چامراج پیٹ عیدگاہ میدان‘ بنگلورو بلدیہ کی جائیداد نہیں ہے،چیف کمشنر بی بی ایم پی تشار کا اعتراف

Source: S.O. News Service | Published on 23rd June 2022, 11:33 AM | ریاستی خبریں |

بنگلورو،23؍جون (ایس او نیوز؍ایجنسی)  بنگلورو عیدگاہ میدان تنازعہ نے چہارشنبہ کے دن نیا موڑ لے لیا۔ بلدیہ (بروہت بنگلورو مہانگر پالیکے/ بی بی ایم پی) نے اپنے موقف سے یوٹرن لے کر اعلان کردیا کہ عیدگاہ میدان اس کی جائیداد نہیں ہے۔ چیف کمشنر بی بی ایم پی تشار گریناتھ نے چہارشنبہ کے دن کہا کہ چامراج پیٹ میں واقع عیدگاہ میدان بی بی ایم پی کا نہیں ہے۔

 انہوں نے یہ بھی کہا کہ بی بی ایم پی کو کوئی اختیار حاصل نہیں ہے کہ وہ اس میدان پر یوم ِ آزادی منانے کی اجازت دے۔ گریناتھ نے واضح کیا کہ وقف بورڈ نے سپریم کورٹ کے احکام بی بی ایم پی کے علم میں لائے کہ یہ میدان بی بی ایم پی کی ملکیت نہیں ہے۔

انہوں نے کہا کہ شہری حدود کا جس وقت سروے کیا گیا تھا اس وقت عیدگاہ میدان کی ملکیت کا دعویٰ کرنے کے لئے کوئی بھی آگے نہیں آیا تھا لہٰذا یہ میدان بی بی ایم پی کے قبضہ میں آگیا تھا۔ وقف بورڈ‘ ملکیت کے سلسلہ میں درخواست دے سکتا ہے۔ کاغذات کی جانچ کے بعد ضروری کارروائی کی جائے گی۔

بی بی ایم پی کے چیف کمشنر کے بیان کا خیرمقدم کرتے ہوئے صدرنشین کرناٹک اسٹیٹ وقف بورڈ مولانا شفیع سعدی نے کہا کہ بورڈ‘ ملکیت کا دعویٰ کرنے کے لئے درخواست پہلے ہی داخل کرچکا ہے۔ ہم بی بی ایم پی سے اجازت ملنے کے بعد عیدگاہ میدان کے اطراف کمپاؤنڈ وال تعمیر کرادیں گے۔

انہوں نے یہ بھی کہا کہ میدان میں بچوں کے کھیلنے یا یوم آزادی /  یوم جمہوریہ تقاریب منانے پر کوئی اعتراض نہیں ہے۔ ہندو کارکنوں کو ملکیت پر اختلاف ہے۔ وہ چاہتے ہیں کہ بی بی ایم پی اس میدان کو اپنے کنٹرول میں لے لے۔

انہوں نے یوم آزادی کے علاوہ ہندو تہوار اس میدان پر منانے کی اجازت مانگی تھی۔ مسئلہ کی حساس نوعیت کے مدنظر چیف منسٹر کرناٹک بسواراج بومئی نے کہا کہ وہ اس سلسلہ میں بی بی ایم پی کمشنر تشار گریناتھ سے بات کریں گے اور تفصیلات طلب کریں۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔