بنگلورو،5؍ستمبر(ایس او نیوز) بروہت بنگلور مہا نگر پالیکے(بی بی ایم پی) نے بینگلور میں سب سے زیادہ ٹریفک والی سڑکوں اور جنکشن سمیت 100مقامات پر راہ گیروں کی سہولت کے لئے ااسکائی واک کی تعمیر کے لئے منصوبہ تیار کیا ہے اور40مقامات پر ترجیحی بنیاد پر اسکائی واک تعمیر کرنے کا فیصلہ لیا ہے۔

بی بی ایم پی اسپیشل کمشنر رویندرا ناتھ نے اخباری نمائندوں کو بتا یا کہ سب سے زیادہ ٹرافک والی سڑکوں،کے آر روڈ، نندی درگا روڈجنکشن،ہنور مین روڈ(رلائنس فریش) سمیت40مقامات پر راہ گیروں کو سڑک پار کرنے مشکلات کا سامنا اور ٹریفک میں بھی خلل پڑ رہا ہے۔ انہوں نے بتا یا کہ اسی وجہ سے ان مقامات پر فوری طور پر اسکائی واک کی تعمیر کرنے بنگلور سٹی محکمہ ٹریفک پو لیس کو روانہ پیشکش کی بنیاد پر اسکائی واک تعمیر کرنے کا فیصلہ کیا گیا ہے۔

انہوں نے بتا یا کہ ٹریفک  پولیس کی جانب سے نشاندہی کئے گئے  مقامات پر اسکائی واک کی تعمیر کے سلسلہ میں بی بی ایم پی ٹریفک  انجینرنگ  سیل نے جائزہ لیا ہے اور تعمیرکے لئے جلد ہی جگہ کے انتخاب کی کارروائی شروع کی ہے اور جلد ہی ٹنڈر طلب کیا جا ئے گا اور پبلک پرائیویٹ پارٹنر شپ(پی پی پی) کے تحت اسکائی واک تعمیر کئے جائیں گے۔

انہوں نے بتا یا کہ اسکائی واک کی تعمیر کے لئے درج ذیل مقامات کو ترجیح دی گئی ہے۔کے آر جنکشن کے سنتوش تھیٹر کے قریب، نندی درگا روڈ جنکشن،ہنور مین روڈ(رلائنس فریش کے سامنے)،توبر ہلی بس اسٹانڈ،ایچ ایس آر چو تھا فیس(اگرا تالاب کے قریب)،وائٹ فیلڈ مین روڈ(شانتی نکیتن اپارٹمنٹ)،گور گنٹے پالیہ سرکل ٹمکور روڈ،واٹال ناگراج روڈ کے آر آر آرجنکشن،پو تیس مال کے جی روڈ کے قریب،سنکد کٹے بس اسٹانڈ،ٹینک بنڈ روڈ بالے ہنو مارکیٹ،جالہلی مدر ٹیریسا اسکول،میٹرو اسٹیشن یشونت پور کے قریب،وائشنوی مال،بشپ کاٹن گرلز اسکول ریسی ڈینسی روڈکے سامنے،پی ای ایس کالج ہوسکر ہلی کے قریب، چو ڈیشوری بس اسٹانڈ وغیرہ۔