بنگلورو،25؍فروری(ایس او  نیوز) بروہت بنگلور مہا نگر پا لیکے(بی بی ایم پی) کی جانب سے اولڈ ائر پورٹ پر سگنل فری کاریڈار پراجیکٹ کے تحت ونڈ ٹینل روڈ جنکشن،سروجنی داس جنکشن اور کندلہلی جنکشن پر جاری انڈر پاس کے تعمیری کاموں کا آج بی بی ایم پی اڈمنسٹریٹر گورو گپتا نے معا ئنہ کیا اور کنٹراکٹروں کو مقررہ وقت پر تعمیری کام مکمل کر نے کی ہدایت دی۔

اس مو قع پر انہوں نے بتا یا کہ ونڈ ٹینل جنکشن سے قریب انڈرپاس کا تعمیری کام تیزی سے جاری ہے۔اس کے لئے مزید درکار این اے ایل اور اسرو اداروں کی زمین کو قبضہ میں لینے کا کام بھی جاری ہے۔

انہوں نے بتا یا کہ انڈر پاس کے ایک حصہ کا کام مکمل ہو چکا ہے، دوسرے حصہ کا کام بھی تیزی کے ساتھ کر تے ہو ئے ستمبر تک مکمل کر نے کے لئے انہوں نے کنٹراکٹرس کو ہدایت دی۔اس دوران سروجنی داس جنکشن کا معائنہ کر تے ہو ئے بی بی ایم پی اڈمنسٹریٹر نے بتا یاکہ مارتہلی سے شہر جانے والی سڑک پر انڈر پاس کے تعمیری کام کے ایک حصہ کی دیوار کا کام مکمل کر لیا گیا ہے،دوسرے حصہ کی دیوار کے کام کے لئے چند درختوں کو منتقل کر نا ہے،اس کو دیکھتے ہو ئے گورو گپتا نے افسروں کو ہدایت دی کو وہ تعمیری کام میں رکاوٹ بنے چند درختوں کو فوری منتقل کر تے ہو ئے تعمیری کام کو تیزی کے ساتھ کرنے کا موقع فراہم کریں۔

انہوں نے بتا یا کہ سرویس روڈ کے لئے درکار ز مینات پر قبضہ کے لئے منظوری مل چکی ہے،دس دنوں میں ز مینات پر قبضہ کر کے تعمیری کام شروع کر یں اور جون 2021تک تعمیری کام کو مکمل کر نے کی ہدایت دی۔اس موقع پر اڈمنسٹریٹر کے ہمراہ اسپیشل کمشنر(پلاننگ)منوج جین،انجینئرنگ شعبہ کے چیف انجینئر ایم آر وینکٹیش،ایگزی کیٹیو انجینئر لو کیش،ڈپٹی فارسٹ کنزرویٹر افسر رنگناتھ سوامی سمیت دیگر افسر حاضر رہے۔