بنٹوال،6 ؍ دسمبر (ایس او نیوز) کیرالہ کرناٹکا سرحدی علاقہ بنٹوال تعلقہ کے کائیرانگلا گاوں کا شاردا گنپتی ودیا کیندرا ایک ایسا اسکول ہے جہاں اس وقت بڑی تعداد میں جڑواں بچے تعلیم حاصل کر رہے ہیں ۔ جس کی وجہ سے اس اسکول نے ایک منفرد مقام حاصل کیا ہے ۔

پتہ چلا ہے کہ فی الحال چوتھی جماعت میں جڑواں بچوں کی تین جوڑیاں، پانچویں جماعت میں دو جوڑیاں، آٹھویں، نوویں اور دسویں جماعت میں ایک ایک جوڑی زیرتعلیم ہے ۔ اس کے علاوہ پی یو سی میں بھی جڑواں بچون کی دو جوڑیاں تعلیم حاصل کر رہی ہیں ۔ اس طرح اسکول اور کالج میں جڑواں بچوں کی اتنی بڑی تعداد لوگوں کے لئے دلچسپی کا باعث بن گئی ہے ۔  

اسکول کے پرنسپال شری ھری کہتے ہیں کہ اسکول میں نصابی تعلیم کے علاوہ ثقافتی سرگرمیوں کی بھی تربیات دی جاتی ہے تاکہ طالب علموں کو ملک کے اچھے شہریوں میں تبدیل کیا جا سکے ۔

اسکول کے کنوینر راجا رام بھٹ نے بتایا کہ جن جڑواں بچوں کی جوڑی ایک ساتھ اس اسکول میں داخلہ لیتی ہے ان میں سے صرف  ایک ہی بچے کی فیس لی جاتی ہے اور دوسرے بچے کو مفت تعلیم دی جاتی ہے ۔