بنٹوال:27؍جون(ایس اؤ نیوز)خود اپنے باپ کے ذریعے کئی مرتبہ ایک نابالغہ عصمت دری کا شکار ہونے کا  بنٹوال تعلقہ کے پلابیٹو دیہات میں ایک حیرت انگیز واقعہ پیش آیا ہے۔ معاملے کو لےکر پولس نے ملزم باپ کو گرفتار کیا ہے اس تعلق سے پنجال کٹے پولس تھانے میں کیس درج ہواہے۔

موصولہ ذرائع کے مطابق عصمت دری کا شکار ہونے والی نابالغہ اپنے والدین اور بھائی بہن کے ساتھ پلابیٹو کے گھر  میں رہائش پذیر تھی ۔ 8فروری کی رات جب گھر میں کوئی نہیں تھا تو اس کے والد نے اپنی ہی بیٹی کی عزت لوٹی  اور اس کے بعد کئی مرتبہ اس درندگی کو انجام دیتارہا۔ پنجال کٹے پولس تھانے میں کیس درج کرلینے کے بعد ملزم کو گرفتارکیاگیا اور پولس جانچ میں جٹی ہوئی ہے۔