بنٹوال 18/جولائی (ایس او نیوز) ایک مال بردار مِنی ٹیمپو کو خوبصور ت رنگ او ر امو ل کے اشتہار کے ساتھ بظاہر آئس کریم ٹیمپو میں بدل کر اس میں غیر قانونی طور پر گائیں لے جانے کی کوشش کو بنٹوال پولیس نے ناکا م بنادیا ہے۔

موصولہ رپورٹ کے مطابق پولیس سب انسپکٹر یلّپا نے کولناڈ میں جب اس گاڑی کو روکنے کی کوشش کی تو ٹیمپو ڈرائیور اسے تیز رفتاری کے ساتھ لے بھاگا۔ پولیس جب پیچھا کرنے لگی تو ڈرائیور اور گاڑی میں موجود دیگر لوگ کٹھاتھیلا گوپال کرشنا مٹھ کے قریب گاڑی چھوڑ کر فرار ہوگئے۔ پولیس نے اس گاڑی کو قبضے میں لے کر جب اس کا پچھلا دروازہ کھولا تو اس کے اندر تین گائیں اور ایک بچھڑا ظالمانہ اندازمیں بندھے ہوئے پائے گئے۔ پولیس نے ان جانوروں اور ٹیمپو کو ضبط کرلیا۔ شبہ کیا جاتا ہے کہ یہ گائیں کہیں سے چرائی گئی ہونگی اورکیرالہ کے کسی قصائی خانے فروخت کرنے کے لئے لے جائی جارہی ہونگی۔