بنٹوال میں ایک 39سالہ شخص کی موت۔ ڈینگی بخار میں مبتلا ہونے کا شبہ
کنداپور5/جولائی (ایس او نیوز) منگلورو اسپتال میں علاج کے دوران تلپاڈی کے پاس پونوڈی سے تعلق رکھنے والے پرشانت عرف پاچّو پونوڈی (39سال) کی موت واقع ہوگئی ہے جس کے بارے میں شبہ کیا جارہا ہے کہ شاید وہ ڈینگی وائرس کا شکار ہوگیا تھا۔
موصولہ رپورٹ کے مطابق پرشانت پچھلے کئی دنوں سے بخار میں مبتلاتھااور علاج کے باوجود اس کی بیماری میں افاقہ نہیں ہورہا تھا۔مزید بہتر علاج کے لئے اسے منگلوروکے اسپتال میں داخل کیا گیا۔وہاں پر ڈاکٹروں نے ابتدائی تشخیص کے طور پر پرشانت کو ڈینگی بخار ہونے کا شبہ ظاہر کیا۔پھرمنگلوروکے اسپتال میں بھی علاج کارگرنہیں ہوا اور اس نے بالآخر بخار میں مبتلا رہتے ہوئے دم توڑ دیا۔
