بنگلہ دیش میں عام انتخابات، اتوار کو ووٹ ڈالے جائیں گے

Source: S.O. News Service | By Shahid Mukhtesar | Published on 26th December 2018, 11:37 AM | عالمی خبریں |

واشنگٹن 26دسمبر ( ایس او نیوز؍آئی این ایس انڈیا ) بنگلہ دیش میں اگلے اتوار کو قومی انتخابات ہوں گے، جو پہلے 23 دسمبر کو ہونے والے تھے۔

ووٹنگ کی تاریخ میں ایک ہفتے کا اضافہ اس لیے کیا گیا چونکہ مخالف جماعتون کو انتخابات کی تیاری کے لیے وقت درکار تھا۔

ووٹنگ کے دوران سکیورٹی کی فراہمی کے لیے ہزاروں کی تعداد میں فوج تعینات کی جا رہی ہے۔

وزیر اعظم شیخ حسینہ لگاتار تیسری بار انتخاب لڑ رہی ہیں۔

حزب اختلاف کی معروف رہنما، خالدہ ضیا، جو بنگلہ دیش نیشنل پارٹی (بی این پی) کی سربراہ ہیں، بدعنوانی کے الزامات پر دس سال قید ہیں، جن کے حامیوں کا کہنا ہے کہ اُنھیں یہ سزا سیاسی بنیاد پر دی گئی ہے۔

وہ فروری سے قید کاٹ رہی ہیں۔ اُنھیں عدالت نے یتیم خانے کے لیے مختص غیر ملکی فنڈ خرد برد کرنے کے مبینہ الزام پر سزا سنائی تھی۔

اِسی مقدمے میں مئی میں عدالت عظمیٰ نے خالدہ ضیا کی ضمانت منظور کی تھی۔ لیکن، تشدد کے الزام پر مبنی ایک اور کیس میں ملوث کرکے اُنھیں جیل میں ڈال دیا گیا تھا۔

حالیہ مہینوں کے دوران، بی این پی کے ہزاروں رہنماؤں اور سرگرم کارکنون کو گرفتار کیا گیا ہے، جن پر زیادہ تر سیاسی تشدد کے الزامات عائد ہیں۔

ایک نظر اس پر بھی

ترکی شام میں کردوں کے خلاف فوجی کارروائی روک دے: ماکروں اور میرکل کا مطالبہ

فرانسیسی صدر عمانوایل ماکروں اور جرمن چانسلر اینجیلا میرکل نے ترکی سے شمالی شام میں کردوں کے خلاف جاری فوجی کارروائی فوری طور پر روکنے کا مطالبہ کیا ہے۔انھوں نے خبردار کیا ہے کہ اس حملے کے سنگین انسانی اثرات مرتب ہوں گے اور سخت گیر جنگجو گروپ داعش کو پھر سے سر اٹھانے کا موقع مل ...