انڈر 19 ورلڈ کپ: بنگلہ دیش نے پہلا ورلڈ کپ خطاب جیت کر رقم کی تاریخ ، پانچویں مرتبہ چمپئن بننے کا ہندوستان کا خواب ٹوٹا

Source: S.O. News Service | Published on 10th February 2020, 1:04 PM | اسپورٹس |

پوچے فسٹروم، 10/ فروری (ایس او نیوز/ایجنسی)  آئی سی سی کا یہ مسلسل دوسرا ورلڈ کپ فائنل تھا ، جو انتہائی سنسنی خیز رہا ۔ انگلینڈ میں 2019 میں کھیلے گئے ون ڈے ورلڈ کپ کی سنسنی خیزی تو تاریخ کے سنہرے اوراق میں درج ہوگئی ، ساتھ ہی ہندوستان اور بنگلہ دیش کے درمیان انڈر 19 ورلڈ کپ کا خطابی مقابلہ بھی لمحہ لمحہ شائقین کے دلوں کی دھڑکنیں بڑھاتا رہا ۔ ہر گیند کے ساتھ بدلتی بازی کے درمیان بنگلہ دیش نے ہندوستان کو تین وکٹ سے شکست دے کر پہلی مرتبہ یہ خطاب جیت کر تاریخ رقم کردی ہے ۔ بنگلہ نے بارش سے متاثرہ میچ میں ڈک ورتھ لوئس ضابطے کے تحت 42.1 اوورس میں 170 رن بناکر جیت حاصل کرلی ۔ ٹیم نے 23 گیندیں پہلے ہی مقررہ ہدف حاصل کرلیا ۔ بنگلہ دیش کی ٹیم پورے ٹورنامنٹ میں ناقابل تسخیر رہی جبکہ ٹیم انڈیا کو صرف ایک شکست فائنل میں ہی ملی ۔

بنگلہ دیش کی جیت کے ہیرو کپتان اکبر علی رہے ، جنہوں نے ٹاس جیت کر پہلے گیند بازی کا فیصلہ کیا ۔ ہندوستانی ٹیم کے لئے یشوسوی جیسوال کو چھوڑ کر کوئی بھی بلے باز کریز پر نہیں ٹھہر سکے ۔ ٹیم پورے 50 اوورس تک بھی نہیں کھیل پائی اور 47.2 اوورس میں 177 رن بناکر آل آوٹ ہوگئی ۔ جیسوال نے سب سے زیادہ 88 رن بنائے ۔ ٹیم کے 8 بلے باز دہائی کے ہندسہ تک بھی نہیں پہنچ سکے ۔

جواب میں بنگلہ دیش کے لئے سلامی بلے باز پرویز حسین ایمن نے 79 گیندوں پر 47 رنوں کی اننگز کھیلی ، لیکن ٹیم کو فتح کی منزل تک پہنچانے کا کام اکبر علی نے کیا ۔ علی 77 گیندوں پر 43 رن بناکر ناٹ آوٹ رہے ۔ اس اننگز میں انہوں نے چار چوکے اور ایک چھکا لگایا ۔ انہوں نے اس وقت محاذ سنبھالا جب ٹیم 14.1 اوورس میں 62 رن پر تین وکٹ گنواکر مشکل میں پھنس گئی تھی ۔ بنگلہ دیش کی ٹیم جب جیت سے 15 رن دور تھی ، تبھی بارش آگئی ، جس کے بعد ہدف کو کم کر کے 30 گیندوں پر سات رن کردیا گیا جبکہ بارش بند ہونے کے بعد بنگلہ دیش نے جیت کی رسم پوری کرلی ۔

ایک نظر اس پر بھی

آئی پی ایل: ممبئی اور بنگلورو کے درمیان ہوا دل تھام لینے والا مقابلہ، سوپر اوور میں بنگلورو فتحیاب

ممبئی انڈینز کے کپتان روہت شرما نے ٹاس جیت کر گیندبازی کا فیصلہ کیا تھا اور یہ اس وقت غلط ثابت ہونے لگا تھا جب رائل چیلنجرس بنگلورو کے دونوں سلامی بلے بازوں نے نصف سنچری بنا ڈالی۔

جب گیند ہاتھ میں ہوتی ہے تو ایسا لگتا ہے کہ میں راجہ ہوں: محمد شامی

طویل انتظار کے بعد آخر کار انڈین پریمیر لیگ کا 13 واں سیزن 19 ستمبر سے متحدہ عرب امارات میں شروع ہونے جارہا ہے۔ کے ایل راہل کی قیادت میں کنگز الیون پنجاب کی نظرپہلی بار خطاب پر ہے۔ تاہم کنگز الیون پنجاب کے لئے فاسٹ بولر محمد شامی کی کارکردگی سب سے زیادہ اہم ہوگی۔ محمد شامی نے کہا ...

ای سی بی کو کورونا کی وجہ سے ہوا بڑا نقصان،20 فیصد ملازمتوں میں ہوگی کمی

کورونا وائرس کی وجہ سے گزشتہ6 ماہ میں کرکٹ کو بہت نقصان اٹھانا پڑا ہے۔ انگلینڈ اور ویلز کرکٹ بورڈ کی ٹیم چار ماہ بعد میدان میں واپس آئی، لیکن اس کے باوجود کووڈ کی وجہ سے ای سی بی معاشی طور پر سب سے زیادہ متاثر ہوا ہے۔ ای سی بی اپنے عملے میں 20 فیصد کمی کرے گا جو 62 ملازمتوں کے مترادف ...

آئی پی ایل 2020: کوچ کمبلے نے کہا: کرس گیل کا کردار اہم ہوگا

کنگز الیون پنجاب کی نظر انڈین پریمیر لیگ کے 13 ویں سیزن میں پہلی بار ٹائٹل جیتنے پر ہے۔ انیل کمبلے کنگز الیون پنجاب کی کوچنگ کررہے ہیں، جبکہ کے ایل راہل کی شاندار فارم کو دیکھتے ہوئے کپتانی کی ذمہ داری سونپی گئی ہے۔ انیل کمبلے نے انکشاف کیا ہے کہ رواں سیزن میں 41 سالہ کرس گیل کا ...