کاروار میں میڈیکل سائنس اسٹاف کی طرف سے میڈیکل طالبہ حملہ کی مذمت میں احتجاجی ریلی
کاروار:07؍نومبر(ایس اؤ نیوز)بنگلورو کے منٹو آنکھ اسپتال میں میڈیکل طالبہ پر کرناٹکا رکشھنا ویدیکے کے کارکنوں کی طرف سے حملہ کوشش کے خلاف کاروار میڈیکل سائنس مرکز اساتذہ اسوسی ایشن نے کڑی مذمت کی ہے۔
حملہ کی مذمت میں جمعرات کو شہر میں احتجاجی ریلی منعقد کرتےہوئے ڈپٹی کمشنر کو میمورنڈم دیا۔ دراصل یکم نومبر پر اپنی ڈیوٹی انجام دینےو الی میڈیکل طالبہ کا کرناٹکا رکشھنا ویدیکے کے کارکنان نے گھیراؤ کرتےہوئے دھمکیاں دیں۔ ڈاکٹروں اور پر حملہ اور حملوں کی کوشش والے واقعات میں اضافہ ہورہاہے، جس کے نتیجے میں ڈیوٹی انجام دینے میں خوف محسوس ہوتاہے، خدمات پر مامور ڈاکٹروں کو ذہنی اور جسمانی طورپر ہراساں کرنے والوں کے خلاف سخت کارروائی کرنے کا احتجاجیوں نے مطالبہ کیا۔ اس موقع پر میڈیکل کالج اسٹاف ڈاکٹر وی این وینکٹیش ، ڈاکٹر راکیش ایچ این ، ڈاکٹر پرمود کمار اور طلبا موجود تھے۔
