بنگلورو:25؍جولائی  (ایس اؤ نیوز)یڈیورپا کی کہانی ختم ہوچکی ہے،وہ  وہیں رہ گئے تو ان کی کہانی  کا خاتمہ یقینی ہے ، یہ بات سابق وزیر ڈی کے شیوکمار نے کہی۔  جمعرات کو  اخبارنویسوں سے گفتگو کرتےہوئے شیوکمار نے   پوچھا کہ کیا ہمارے باغی ارکان  یڈیورپا کو چھوڑیں گے ؟ انہوں نے یڈیورپا کو درپیش آنےو الے مشکلات کا ذکر کرتےہوئے خوب  اُن کا مذاق اڑایا۔اور کہا کہ باغی ارکان  یڈیورپا کی پینٹ  شرٹ پھاڑ کر اُن کے ہاتھ میں دے  دیں گے ۔

شیوکمار نے اپنے مخصوص انداز میں یڈیورپا کے متعلق کہاکہ انہیں اب بھگوان ہی بچائے، ابھی تک وزیر اعلیٰ کا حلف تک نہیں لیا ، وزیر اعلیٰ ہوتے تو کسی طرح بچ سکتے تھے، اب وہ بھی نہیں ہوسکے گا۔