بنگلورو میں23ستمبر سے پی یو اور ڈپلوما میں کامیاب طلبا کے لئے ائیر فورس بھرتی ریلی : طلبا توجہ دیں
بنگلورو:7؍ستمبر(ایس اؤ نیوز) بھارتیہ ائیر فورس کے ذریعے شہر میں ائیرفورس بھرتی ریلی کا انعقاد کیا جارہاہے۔ اہل امیدوار 8ستمبر سے 11ستمبرتک آن لائن رجسٹریشن کرسکتےہیں۔ پی یو سی دوم میں کامیاب طلبا سے اپیل کی گئی ہے کہ وہ فوری توجہ دیں۔
ائیر فورس کی طرف سے صرف ریاستی طلبا کے لئے ہی 23ستمبر سے 4اکتوبر تک یہ ریلی منعقد کی جارہی ہے۔ جس میں ’ایکس‘ گریڈ کے ائیر من عہدے کے لئے تقرری ہوگی۔ریلی میں شرکت کے لئے مندرجہ ذیل اہلیت کا ہونا لازمی ہے۔
طلبا 2000جنوری 17سے 2003دسمبر 31کے درمیان پیدا ہونےو الے غیر شادی شدہ مرد رجسٹریشن کے اہل ہونگے۔ پی یو سی دوم یا اس کے مساوی امتحان میں کامیاب ہوں۔ ریاضی ، فزکس اور انگلش میں کم سے کم 50فی صد نمبرات حاصل کئے ہوں۔ انجنئیرنگ میکانکل ، الکٹریکل ، الکٹرانکس ، آٹوموبائیل ، کمپیوٹر سائنس میں 3سالہ ڈپلو ما کورس مکمل کئے ہوئے طلبا عرضی دے سکتے ہیں۔ مارکس کارڈ اور دیگر دستاویزات کی 30نقول (زیراکس) اور اپنے فوٹو سمیت ریلی میں شرکت کرنے کے لئے کہاگیا ہے۔
اہل طلبا www.airmenselection.cdac.in ویب سائٹ کے ذریعے رجسٹریشن کرسکتے ہیں۔ زائد معلومات کے لئے ائیر من سلیکشن سنٹر، کبن پارک روڈ، بنگلورو -560001یا فون نمبر 080-25592199پر رابطہ کرسکتے ہیں۔