رامپور ، 16 اپریل(ایس او نیوز؍آئی این ایس انڈیا)سماج وادی پارٹی لیڈر اعظم خاں پر متنازعہ بیان کی وجہ سے 72 گھنٹوں کی پابندی لگنے کے بعد اب ان کے بیٹے عبداللہ اعظم خاں نے الیکشن کمیشن پر یکطرفہ کارروائی کے الزام لگائے ہیں۔یہی نہیں عبداللہ خان نے کہا کہ اعظم پر مسلم ہونے کے سبب پابندی لگائی ہے۔انہوں نے یہ بھی کہا کہ اعظم خان نے جیہ پردا پر بیان نہیں دیا تھا،عبداللہ رامپور کی سوار سیٹ سے ایس پی رکن اسمبلی ہیں۔اعظم خاں کی انتخابی مہم پر 72 گھنٹے پابندی لگنے کے بعد ان کے بیٹے عبداللہ نے میڈیا کے سامنے کہا کہ پابندی لگانے سے خاموش نہیں کر سکتے ہیں،الیکشن کمیشن نے ہم پر یکطرفہ کارروائی کی ہے۔ انہوں نے مزید بتایا کہ مسلمان ہونے کے سبب اعظم پر پابندی لگائی گئی ہے۔عبداللہ نے کہاکہ انہوں نے جیہ پردا پر بیان نہیں دیا تھا لیکن الیکشن کمیشن نے صفائی کا موقع تک نہیں دیا،میں جانتا ہوں کہ مودی کو خوش کرنے کے لئے کمیشن نے پابندی لگائی ہے۔