راجستھان: حملے میں زخمی بجرنگ دل لیڈر بھرت راج ہلاک

Source: S.O. News Service | Published on 24th November 2020, 9:13 PM | ملکی خبریں |

کوٹہ،24؍نومبر(ایس او نیوز؍یو این آئی) راجستھان میں کوٹہ کے کنہاڑی تھانہ علاقے میں ایک حملے میں زخمی ہونے والے بجرنگ دل کا لیڈر بھرتراج بالمیکی کی آج موت ہوگئی۔ موصولہ اطلاع کے مطابق بھرتراج پر 18 نومبر کو کچھ لوگوں نے حملہ کیا تھا اور حملے کے دوران فائرنگ بھی ہوئی تھی۔ اس حملے میں بھرت راج شدید زخمی ہو گیا تھا اور اسے کوٹا کے ایم بی ایس اسپتال میں داخل کرایا گیا تھا۔

خاندانی ذرائع سے موصولہ اطلاعات کے مطابق بھرت راج بالمیکی اور اس کے کچھ ساتھیوں نے دو ماہ قبل تھانہ کنہاڑی علاقہ کے ساکت پورہ میں تقریباً ڈھائی بیگھہ زمین خریدی تھی، جس پر کچھ لوگوں نے اس کو دھمکی دی تھی کہ یہ متنازعہ اراضی ہے اور اس پر کوئی کام نہیں ہوسکتا ہے۔ اس معاملے کی شکایت کے بعد پولیس نے دھمکی دینے والے تمام افراد کو تھانے بلایا تھا۔

بعد ازاں 18 نومبر کو جب بھرتراج اپنے ساتھیوں کے ہمراہ زمین پر گیا تھا، تو دو لوگوں نے بھرتراج پر پستول سے فائرنگ کردی اور اس پر لاٹھیوں سے حملہ کیا، جس سے اس کے جسم کے کئی حصے کی ہڈیاں ٹوٹ گئیں۔ زخمی بھرتراج کو کوٹہ کے ایم بی ایس اسپتال میں داخل کرایا گیا تھا جہاں آج اس نے دم توڑ دیا۔ ابھی تک اس معاملے میں کسی کی گرفتاری کی کوئی اطلاع نہیں ہے۔

ایک نظر اس پر بھی

ٹیکہ لگوانا ذاتی فیصلہ، لوگوں کا بھروسہ دھیرے دھیرے بڑھے گا: وزیر صحت ستیندر جین

کووڈ 19 کے حفاظتی ٹیکوں کی مہم کے دو دن میں صحت سے متعلق کارکنوں کی ویکسینیشن کی رفتار میں کمی کے درمیان دہلی کے وزیر صحت ستیندر جین نے منگل کے روز کہا کہ یہ ٹیکہ لگوانا رضاکارانہ اور ذاتی فیصلے سے منسلک ہے جی ہاں یا نہیں؟ تاہم عوام کا اعتماد بڑھانے کے لئے تمام تر کوششیں کی جارہی ...

زراعت کے مالک بن جائیں گے 3-4 سرمایہ دار ، قوانین کو واپس لینا واحد حل : راہل گاندھی

کانگریس کے سابق صدر راہل گاندھی نے منگل کے روز تین مرکزی زرعی قوانین پر مرکزی حکومت کو نشانہ بنایا اور دعوی کیا کہ ان قوانین کا مقصد زرعی شعبے پر تین چار سرمایہ داروں کی اجارہ داری قائم کرنا ہے جو ملک کے متوسط طبقے کو ادا کرنا پڑتا ہے۔

ستیا پور لوجہادمعاملہ:ملزمین کے خلاف قائم مقدمہ ختم کرنے والی عرضداشت پر الہ آبا د ہائی کورٹ میں کل سماعت ہوگی: گلزار اعظمی

یوپی کے سیتا پور شہر سے لوجہادکے نام پر گرفتار دس ملزمین جس میں دو خاتون بھی شامل ہیں کومقدمہ سے ڈسچارج یعنی کہ ان کے خلاف قائم مقدمہ ختم کرکے انہیں جیل سے فوراً رہا کئے جانے کی عرضداشت پر الہ آبادہائیکورٹ کی لکھنؤ بینچ کل یعنی کے 20 جنوری کو سماعت کریگی، جسٹس راجیو سنہا اور ...

گجرات میں سڑک کنارے سونے والے مزدوروں پر ڈمپر لاری چڑھ گئی، 15 ہلاک

گجرات کے ضلع سورت میں گذشتہ دیر رات ایک بے قابو گاڑی  سڑک کنارے سونے والے 20 افراد پر چڑھ گئی   جس کے نتیجے  میں 15 کی  موت  واقع ہو گئی۔ حادثہ سورت سے تقریباً 50 کلومیٹر دور کِم-مانڈوی روڈ پر کوسنبا کے پلوڈگام کے نزدیک  پیش آیا۔