بابری مسجد فیصلہ: ممبئی سمیت مہاراشٹر بھر میں سخت سکیورٹی، سڑکیں سنسان، شہری گھروں میں قید

Source: S.O. News Service | Published on 9th November 2019, 11:45 PM | ملکی خبریں |

ممبئی،9؍نومبر(ایس او نیوز؍یو این آئی) اتر پردیش کے شہر ایودھیا میں بابری مسجد-رام مندر تنازع میں حق ملکیت کے سلسلہ میں سپریم کورٹ کے ذریعہ سنائے گئے فیصلہ سے قبل ممبئی سمیت مہاراشٹر بھر میں حفاظتی انتظامات سخت کر دیئے گئے۔ اس کے علاوہ ممبئی کے حساس علاقوں اور چوراہوں پر مسلح پولس کی تعیناتی کردی گئی۔

مسلم اکثریتی علاقوں میں بھی پولس کا گشت جاری ہے اور فی الحال کوئی ناخوشگوار واقعہ کی کوئی اطلاع موصول نہیں ہوئی ہے۔ مہاراشٹر کے کارگزار وزیر اعلی دیویندر فڑنویس نے عوام سے اپیل کی ہے کہ سپریم کورٹ کے فیصلے پر صبر وتحمل کا مظاہرہ کریں۔

فڑنویس نے عوام سے یہ بھی کہا کہ وہ افواہوں پر توجہ نہ دیں اور خصوصاً سوشل میڈیا کو نظر انداز کر دیا جائے۔ اس تعلق سے امن و امان برقرار رکھا جائے۔

اس درمیان ممبئی کی اہم شخصیات نے بھی صبر وتحمل کی اپیل کی ہے ان میں سیاسی، سماجی اور دینی شخصیات شامل ہیں۔ مسلم کونسل کے روح رواں ابراہیم طائی نے ایک ویڈیو جاری کرکے امن وامان کی اپیل کی ہے۔ انہوں نے کہا کہ شہری کسی بھی افواہ پر توجہ نہ دیں۔

ایک نظر اس پر بھی

کشمیر: تاریخی جامع مسجد 15 ویں جمعے کو بھی مقفل، نماز پر پھر قدغن

 وادی کشمیر میں 103 دنوں سے جاری غیر یقینی صورتحال سایہ فگن رہنے کے بیچ جہاں ایک طرف معمولات زندگی پٹری پر آرہے ہیں تو وہیں انٹرینٹ اور ایس ایم ایس خدمات کی مسلسل معطلی کے ساتھ ساتھ نوہٹہ میں واقع تاریخی جامع مسجد کے محراب ومنبر 15 ویں جمعہ کو بھی خاموش رہے۔

کشمیرمیں اہم رہنماؤں کونظربند رکھنے کی وجہ بتائے حکومت: کانگریس

کانگریس نے کہاہے کہ جموں کشمیر میں سب کچھ ٹھیک ہونے کے بارے میں پوری دنیا میں شور مچارہی مودی حکومت کوبتانا چاہیے کہ کشمیر کو ملک کا اٹوٹ حصہ بنائے رکھنے میں تعاون کرنے والے مرکزی دھارے کے رہنماؤں کو حراست میں کس وجہ سے رکھاگیاہے۔