بابری مسجد ملکیت معاملہ : کرناٹک میں سخت حفاظتی اقدامات : فون کالس کی ٹیپنگ اور سوشیل میڈیا پر لگاتار نگرانی

Source: S.O. News Service | By Abu Aisha | Published on 8th November 2019, 6:46 PM | ساحلی خبریں | ریاستی خبریں |

بنگلور :08؍نومبر(ایس اؤ نیوز) بابری مسجد ملکیت قضیہ کو لےکر  سپریم کورٹ سے جاری ہونے والے فیصلے کو دیکھتے ہوئے ریاستی حکومت  کے وزرات داخلہ کی طرف سے کڑی نگرانی کرتےہوئے پولس افسران کو چوکنا رہنے  کی ہدایت دی گئی ہے ۔ ریاست کے پولس کمشنر سمیت تمام  ضلع کے سپرنٹنڈنٹ آف پولس (ایس پی ) صاحبان کو ہدایات جاری کی گئی ہیں کہ شرپسند عناصر کے فون کالس کو ٹیپ کرے  اور سوشیل میڈیا کی کڑی نگرانی کریں۔ بتایا جارہا ہے کہ سپریم کورٹ کی طرف سے 17نومبر سے پہلے ہی  فیصلہ صادر کئے جانے کا امکان  ہے۔

ریاستی وزیر داخلہ بسورا ج بومائی نے کہاکہ فیصلے کو دیکھتے ہوئے ہم نے ریاست بھر میں امن وامان کو برقراررکھنے  پیشگی حفاظتی اقدامات کئے ہیں، ہم نے دونوں فرقوں کے  سبھی اہم طبقات کے ذمہ داران اور لیڈران سے بات چیت کی ہے اور دونوں طرف سے بہت ہی مثبت جواب ملا ہے ، ہمیں  اعتماد ہے کہ ہر طرح کا تعاون ملے گا۔سٹی پولس کمشنر بھاسکرراؤ نے بتایا کہ ذمہ داران اور لیڈران  نے بتایا ہےکہ وہ کسی بھی حال میں جشن یا مخالفت نہیں کریں گے اور اس سلسلےمیں کسی کا کوئی تعاون بھی نہیں کریں گے۔ بنگلورو میں کرناٹکا اسٹیٹ ریزرو پولس (کے ایس آر پی)، سٹی آرمیڈ ریزرو (سی اے آر) اور پیاراملٹری اہلکاروں کو شہر بھر میں تعینات کیا گیا ہے۔

منگلورو کے سنئیر پولس آفیسر نے بتایا کہ اعلیٰ افسران کی طرف سے جس طرح کی ہدایات ملی ہیں اس کے مطابق عوامی سطح پر ہر طرف سے کڑی نگرانی کی جارہی ہے۔ انہوں نے بتایا کہ فرقہ پرست ، شر پسند عناصر اور جن کی وجہ سے امن میں خلل پڑنے کا امکان ہو ان کے فون کالس ٹیپ  کرنےکے ساتھ ساتھ اُس پر کڑی نگرانی  بھی رکھی جائے گی ۔ فون کالس کے غلط استعمالات پر پوچھے گئے سوال پر انہوں نےکہاکہ کڑے اصول و ضوابط کی بندش لگائی گئی ہے۔

اُدھر  رائچور کے ایس پی ویدا مورتی  نے کہاکہ مشتبہ افراد کے فون کالس ٹیپ  کئے جائیں گے۔ محکمہ پولس لگاتار سوشیل میڈیا جیسے وہاٹس ایپ، فیس بک اور ٹیوٹر وغیرہ کی  نگرانی کرتےہوئے جائزہ لیتے رہے گا۔انہوں نے عوام سے اپیل کی کہ وہ کسی بھی طرح کے ہتک آمیز یا نفرت پھیلانے والے  پیغامات ارسال نہ کریں۔

محکمہ پولس کی نگرانی پر موظف ڈی جی اینڈ آئی جی پی شنکر بیدری نےکہاکہ بعض سنسنی خیز اور ہنگامی صورت حال میں نگرانی کی  جاتی رہی ہے۔ سماج کو نقصان پہنچانے والے عناصر کی نگرانی ضروری ہوتی ہے، معمول کے مطابق یہ ہوتا رہتا ہے اس سلسلےمیں کسی بےچینی کی بات نہیں ہے دراصل پولس یہ سب کچھ معاشرے میں امن وامان کو باقی رکھنے کے لئے کرتی ہے۔

ایک نظر اس پر بھی

یلاپور ودھان سبھا حلقہ ضمنی انتخابات : کانگریس امیدوار بھیمنانائک نے داخل کیا پرچہ نامزدگی ؛ہزاروں کارکنان کا جلوس

یلاپور ودھان سبھا حلقہ کے لئے 5دسمبر کو ہونےو الے ضمنی انتخابات کے لئے کانگریس امیدوار بھیمنانائک نے 14نومبر بروز جمعرات سابق وزیر اور ہلیال کے رکن اسمبلی آر وی دیش پانڈے کی قیادت میں پرچہ نامزدگی داخل کیا۔

کاروار کے لیڈی بیچ پر غیر قانونی سرگرمیوں پر نگاہ رکھنے وائر لس سی سی ٹی وی کیمروں کی نصب کاری : ماہی گیر نائب ڈائرکٹر کا بیان

شہر کے سمندر ی ساحل کے ’’لیڈی بیچ ‘‘ پر وائر لس سی سی ٹی وی کیمروں کو نصب کرنے کے متعلق غور کئے جانے کی جانکاری محکمہ ماہی گیر کے نائب ڈائرکٹر ناگراج نے دی ۔

ریاست کے مختلف مہانگر پالیکا اور میونسپالٹی ، پنچایت کے انتخابی نتائج کا اعلان : منگلورو میں بی جےپی تو ڈاونگیرہ میں کانگریس

ریاست میں بی ایس یڈیورپا کی قیادت والی بی جےپی حکومت اقتدار سنبھالنےکےبعد ہوئے مقامی عوامی اداروں کے لئے 12 نومبر کو انتخابات ہوئے تھے ، جس کے نتائج 14نومبر کو اعلان کئے گئے۔ ظاہری طورپر ریاست کے جن مقامی اداروں  کے اعلان کئے گئے نتائج میں مہانگرپالیکا کے کل وارڈوں میں سے ...

بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔

بنگلورو میں نااہل قراردئیے ارکان اسمبلی بی جےپی میں شامل : ضمنی انتخابات میں 13ارکان کو پارٹی نےدیا ٹکٹ

ملیشور میں واقع بی جےپی دفتر کے سامنے منعقد ہوئے پروگرام میں وزیر اعلیٰ بی ایس یڈیورپا کی موجودگی میں نااہل قرار دئیے گئے ارکان اسمبلی بی جے پی پرچم کو حاصل کرتے ہوئے بی جے پی میں شامل ہوئے۔

ریاست کے مختلف مہانگر پالیکا اور میونسپالٹی ، پنچایت کے انتخابی نتائج کا اعلان : منگلورو میں بی جےپی تو ڈاونگیرہ میں کانگریس

ریاست میں بی ایس یڈیورپا کی قیادت والی بی جےپی حکومت اقتدار سنبھالنےکےبعد ہوئے مقامی عوامی اداروں کے لئے 12 نومبر کو انتخابات ہوئے تھے ، جس کے نتائج 14نومبر کو اعلان کئے گئے۔ ظاہری طورپر ریاست کے جن مقامی اداروں  کے اعلان کئے گئے نتائج میں مہانگرپالیکا کے کل وارڈوں میں سے ...

مسلمان مسائل میں الجھنے کی بجائے حکمت و دانشمندی سے کام لیں -آئینی حقوق اور ذمہ داریوں کے متعلق مسلمانوں میں بیداری عام کرنا وقت کا تقاضا: کےرحمن خان

ہر دور میں مختلف حلقوں سے مسلمانوں کو الگ الگ مسائل میں الجھایا گیا ہے مسلمانو ں نے بھی حکمت او ر سمجھداری کے بغیر اپنے آپ کو ان مسائل میں الجھا لیا اب وقت آگیا ہے کہ مسلمان دانش مندی اور حکمت کے ساتھ ان پر لادے جانے والے مسائل کے متعلق فیصلہ لیں اور ان میں اپنے آپ کو نہ ...

باغی اراکین اسمبلی کو الیکشن لڑنے کی اجازت، مخلوط حکومت گرانے کی سازش کیلئے یڈ یورپا حکومت برخاست کی جائے:کانگریس

سپریم سپریم کورٹ نے کرناٹک کے 17باغی اراکین اسمبلی کو نااہل قرار دئے جانے والے اس وقت کے اسپیکر کے فیصلہ کو آج جائز ٹھہرایا ہے لیکن انہیں اسمبلی کے ضمنی انتخابات لڑنے کی اجازت دے دی ہے - کورٹ نے کرناٹک کے 17باغی اراکین اسمبلی کو نااہل قرار دئے جانے والے اس وقت کے اسپیکر کے فیصلہ ...