کنڑاساہتیہ پریشد بنگلورودیہی ضلع کیلئے بی این کرشنپا صدر منتخب
بنگلورو،24؍ نومبر (ایس او نیوز) یہاں سرکاری جونیئر کالج میں کنڑا ساہتیہ پریشد بنگلورو دیہی ضلع صدر اور ریاستی صدر کے انتخابات کے لئے 2 بوتھ مقرر کئے گئے تھے،جہاں صبح 8 بجے سے 4بجے تک ووٹنگ کی گئی۔ریاستی صدر کیلئے جملہ 21/ امیدواروں نے حصہ لیا تھا جن میں سے مہیش جوشی کو کامیابی ملی ہے اور بنگلور دیہی ضلع کیلئے بی این کرشنپا،کے مہا لنگیا، لکشمی سرینواس،چی ما سدھاکر جملہ 4/ امیدوار حصہ لئے تھے جن میں سے بی این کرشنپاکو کامیابی حاصل ہوئی۔انتخابات کے بعد نومنتخب صدر نے اخباری نمائندوں سے بات کرتے ہوئے کہاکہ ساہتیہ پریشدکے جوبھی اب تک کئے گئے کام نا مکمل ہیں ان کو اراکین کی رائے مشورے سے پوری کرنے کی ہر ممکن کوشش کی جائے گی۔جوبھی کامیابی حاصل ہونے پر انہوں نے ووٹرس کا شکریہ ادا کیا۔ اس موقع پر وارڈ کونسلر اے آر حنیف اللہ،جے ڈی ایس تعلقہ اقلیتی صدر آصف پاشاہ،پورا کرشنا،مہیش، کناکا راجو، بوجیندرا،باباجان اور دیگر موجود رہے۔