گرفتاری وارنٹ جاری ہونے کے بعد اعظم خان کی اہلیہ اور بیٹے کی عدالت میں خود سپردگی

Source: S.O. News Service | Published on 12th May 2022, 9:59 PM | ملکی خبریں |

لکھنؤ،12؍مئی (ایس او نیوز؍ایجنسی) یوپی کے رام پور سے سماجوادی پارٹی کے رکن اسمبلی اعظم خان کی اہلیہ ڈاکٹر تزئین فاطمہ اور بیٹے عبداللہ اعظم نے رام پور کی ایک خصوصی عدالت میں خود سپردگی کر دی۔ سوار اسمبلی سیٹ سے رکن اسمبلی عبداللہ اعظم اور ان کی والدہ تزئین فاطمہ کے خلاف عدالت نے غیر ضانتی وارنٹ جاری کئے تھے۔

پیدائش کی دو اسناد حاصل کرنے کے معاملہ میں عدالت میں حاضر نہیں ہونے پر ایم پی ایم ایل اے کورٹ نے غیر ضمانتی وارنٹ جاری کئے تھے۔ خیال رہے کہ بی جے پی لیڈر آکاش سکسینہ نے رام پور کے تھانہ گنج میں مقدمہ درج کراتے ہوئے شکایت کی تھی کہ اعظم خان اور ان کی اہلیہ تزئین فاطمہ نے اپنے بیٹے عبداللہ اعظم کی پیدائش کی دو اسناد حاصل کی ہیں جوکہ غیرقانونی ہے۔

اس معاملے میں شکایت کنندہ آکاش سکسینہ نے بتایا ’عدالت میں آج دو پیدائشی اسناد کے معاملے میں سماعت ہوئی۔ آج سینٹ پال کیو کے رہائشی منوج پاٹھک کی گواہی تھی۔ اصولوں کے مطابق اس موقع پر عبداللہ کا حاضر رہنا ضروری تھا، لیکن پچھلی کئی تاریخوں سے وہ عدالت میں پیش نہیں ہو رہے تھے۔‘‘

انہوں نے کہا کہ عدالت میں مسلسل عدم پیشی ضمانت کی شرائط کی خلاف ورزی ہے۔ جس کی وجہ سے یہ ناقابل ضمانت وارنٹ جاری کیا گیا۔ انہوں نے واضح طور پر کہا کہ عبداللہ اعظم ضمانت کے بعد کسی تاریخ پر عدالت نہیں آئے۔

یاد رہے کہ سال 2019 میں بی جے پی لیڈر آکاش سکسینہ نے اعظم خان کے بیٹے عبداللہ اعظم کے خلاف گنج تھانے میں دو برتھ سرٹیفکیٹ حاصل کرنے کا مقدمہ درج کرایا تھا۔ اس معاملے میں اعظم خان کے علاوہ ان کے بیٹے اور سوار سے ایم ایل اے عبداللہ اعظم اور بیوی ڈاکٹر تزئین فاطمہ کو ملزم بنایا گیا ہے۔ عدالت سے تینوں ملزمان کی ضمانت کے بعد رہائی ہو چکی ہے لیکن گزشتہ کئی تاریخوں سے عدالت میں پیش نہ ہونے کی وجہ سے ان کے خلاف ناقابل ضمانت وارنٹ جاری کئے گئے تھے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...