اعظم خان اور ان کی اہلیہ تزئیں فاطمہ کو جیل میں فراہم کرائی گئیں دوائیں

Source: S.O. News Service | Published on 6th April 2020, 3:34 PM | ملکی خبریں |

لکھنؤ،6؍اپریل(ایس او نیوز؍ایجنسی) سماجوادی پارٹی کے سینئر لیڈر اور رام پور سے پارٹی کے رکن پارلیمان محمد اعظم خاں اور ان کی اہلیہ تزین فاطمہ ایم ایل اے کو ان کی دوائیں سیتا پور جیل بھیج دی گئی ہیں۔

اعظم خاں اور ان کی اہلیہ تزین فاطمہ کے ساتھ ان کے بیٹے عبد اللہ اعظم بھی جیل میں قید ہیں جہاں ان کو عدالت کے ایک حکم کے بعد رکھا گیا ہے۔ اعظم خان ان کی اہلیہ تزئین فاطمہ اور ان کے بیٹے عبداللہ اعظم پر دھوکہ دھڑی کا ایک معاملہ زیر غور ہے، جو ان کے بیٹے عبد اللہ اعظم کی پیدائش کی سند سے متعلق ہے۔ ان سب پر الزام یہ ہے کہ ان لوگوں نے عبد اللہ اعظم کی ولادت کی تاریخوں کو دو مختلف اسناد سے ثابت کرنے کی کوشش کی اور الگ الگ سرٹیفیکٹ حاصل کیے۔

ذرائع کے مطابق اعظم خاں اور ان کی اہلیہ تزئین فاطمہ کا رام پور میں ہومیوپیتھک ڈاکٹر سے علاج چل رہا ہے، خبروں کے مطابق ان کی دوائیں جیل میں ختم ہوگئیں جس کے سبب ان کو دشواریوں کا سامنا کرنا پڑا۔ چونکہ ملک میں لاک ڈاؤن چل رہا ہے اس لئے ان لوگوں سے کسی کی ملاقات سیتا پور جیل میں نہیں ہو سکی ہے۔

اس سلسلے میں رام پور سماجوادی پارٹی کے ضلع صدر نے ضلع مجسٹریٹ سے اپیل کی تھی کہ اعظم خان اور ان کی اہلیہ کی دوائیں سیتاپور جیل میں مہیا کروائی جائیں۔ ضلع مجسٹریٹ نے رام پور کے چیف میڈکل افسر سے اس معاملے میں تعاون کرنے کو کہا جس کے کے بعد ان دونوں افراد کی دوائیں سیتا پور جیل پہنچا دی گئیں۔

ایک نظر اس پر بھی

تبلیغی جماعت کے ارکان کے خلاف درج کیس میں کسی کی گرفتاری نہیں: دہلی پولیس نے ہائی کورٹ کو دیا جواب

دہلی پولیس نے دہلی ہائی کورٹ کو منگل کو بتایا کہ کووڈ19 لاک ڈاؤن کے دوران نظام الدین مرکز میں ہوئے مذہبی اجتماع میں حصہ لینے کے لئے تبلیغی جماعت کے ارکان کے خلاف درج کیس میں اس نے نہ تو کسی کو گرفتار کیا ہے اور نہ ہی کسی کو حراست میں لیا ہے۔

جموں کے ایک وکیل اور کشمیر کی ایک خاتون کورونا سے ہلاک، لوگ دہشت زدہ

 جموں سے تعلق رکھنے والے ایک وکیل اور جنوبی کشمیر کے ضلع کولگام کی ایک خاتون کی موت کے بعد کورونا ٹیسٹ مثبت آنے سے جموں و کشمیر یونین ٹریٹری میں اس وائرس سے مرنے والوں کی تعداد بڑھ کر 23 ہوگئی ہے۔ ان ہلاکتوں کے بعد لوگوں میں ایک دہشت کا ماحول بھی دیکھنے کو مل رہا ہے۔