لاک ڈاؤن کے دوران لوگ گھروں سے باہر جانے، پولیس سے آن لائن پاس حاصل کئے جاسکتے ہیں

Source: S.O. News Service | Published on 31st March 2020, 4:23 PM | ریاستی خبریں |

بنگلورو،31؍مارچ(ایس او نیوز)لاک ڈاؤن کے دوران لوگوں کو اپنے گھروں سے باہرنکلنے اورگاڑیاں لے جانا اب آسان ہوگیاہے۔ ریاستی پولیس نے لاک ڈاؤن کے دوران ضرورت کے تحت گھروں سے باہر نکلنے والے لوگوں کے لئے پاس جاری کرنے کاعمل آسان کردیاہے۔ پولیس نے کلیئر پاس، کے نام سے ایک ایپ جاری کیاہے، جس کے ذریعہ لوگ اپنے گھروں میں بیٹھے آئن لائن پاس حاصل کرسکتے ہیں،یہ سہولت تجرباتی طورپر شہر کے وہائٹ فیلڈ ڈیویژن میں اتوار سے شروع کی گئی ہے۔

بتایاجاتاہے شہر کے باقی علاقوں میں بھی یہ سہولت بہت جلد شروع کی جائے گی۔ واضح رہے کہ اس سے قبل یہ پاس متعلقہ پولیس اسٹیشنوں میں انفرادی طورپر جاری کئے جارہے تھے،پولیس اسٹیشنوں میں پاس حاصل کرنے کے لئے لوگوں کی بڑھتی ہوئی بھیڑ کے پیش نظر آن لائن پاس جاری کرنے کی سہولت شروع کی گئی ہے۔

بتایاجاتاہے کہ جب پولیس اسٹیشنوں میں بھی سوشیل ڈسٹنسنگ کے ضابطہ پرعمل کرنا دشوارہورہاتھا۔ بی بی ایم پی کونسلر کلیمنٹ جے کمار جومہادیورہ میں کورونا وائرس کی روک تھام کے سلسلہ میں تشکیل کردہ ٹاسک فورس کے ممبر ہیں۔

انہوں نے بتایاکہ انفرادی طورپر پولیس اسٹیشنوں میں جو پاس جاری کرنے میں تاخیر ہورہی تھی، اس سلسلہ میں مقامی رکن اسمبلی اروند لمباولی نے وہائٹ فیلڈ ڈیویژن کے اسسٹنٹ پولیس کمشنر سے ملاقات کرتے ہوئے مطالبہ کیاتھا کہ پاس جاری کرنے کے عمل میں تیزی لائی جائے۔

جے کمار نے کہاکہ حالانکہ سٹی پولیس کمشنر بھاسکر راؤ نے اعلان کیاتھا کہ درخواست داخل کرنے پر 6گھنٹے کے اندر پاس جاری کئے جائیں گے۔ لیکن پاس حاصل کرنے کے لئے لوگوں کو کافی انتظار کرناپڑرہاتھا۔ کیونکہ پاس کے لئے مانگ زیادہ ہونے کی وجہ سے تاخیر ہورہی تھی۔ صرف مہادیوپورہ زون میں پاس کے لئے 6ہزارسے زائد درخواستیں موصول ہوئی ہیں۔ اس لئے ریاستی پولیس نے آن لائن پاس جاری کرنے کافیصلہ کیاہے۔

بنگلورو سٹی پولیس کمشنر بھاسکر راؤ نے ایک ٹوئیٹ کے ذریعہ اطلاع دی ہے کہ وہائٹ فیلڈ علاقے کے لوگ آن لائن پاس حاصل کرسکتے ہیں۔ اس کے لئے Tear Passایپ ڈاؤن لوڈ کریں یاKSPClear pass.mygate.com ویب سائٹ سے رابطہ کرنے پر آپ کے موبائل فون پر OTPموصول ہوگا، OTPکے ذریعہ تمام درکار تفصیلات بھیجے جانے اورپولیس سے منظوری کے بعد نیاOTPجاری کیاجائے گاجس کے ذریعہ پاس پرنٹ کرسکتے ہیں۔

ایک نظر اس پر بھی

کرناٹک میں کورونا کے اب تک کے سب سے زیادہ معاملات؛ ایک ہی دن سامنے آئے 515 معاملات؛ صرف اُڈپی میں ہی 204 کورونا پوزیٹو

ملک بھر میں لاک ڈاون میں  ڈھیل دی جارہی ہے اور پورے ملک میں لاک ڈاون کے بعد اب  اگلے چند دنوں میں  حالات نارمل ہونے کے امکانات  نظر آرہے ہیں مگر دن گذرنے کے ساتھ ہی کرناٹک میں کورونا کے معاملات میں کمی آنے کے بجائے  اُس میں مزید اضافہ ہی دیکھا جارہا ہے۔

کرناٹکا میں آج پھر 257 کی رپورٹ کورونا پوزیٹو؛ اُڈپی میں پھر ایک بار سب سے زیادہ 92 معاملات؛ تقریباً سبھی لوگ مہاراشٹرا سے لوٹے تھے

سرکاری ہیلتھ بلٹین میں پھر ایک بار  کرناٹک میں آج 257 لوگوں میں کورونا  کی تصدیق ہوئی ہے جس میں سب سے زیادہ معاملات پھر ایک بار ساحلی کرناٹک کے ضلع اُڈپی سے سامنے آئے ہیں۔ بلٹین کے مطابق آج  اُڈپی سے 92 معاملات سامنے آئے ہیں اور یہ تمام لوگ مہاراشٹرا سے لوٹ کر اُڈپی پہنچے تھے۔

یڈیورپا کا اعلیٰ عہدیداروں کے ساتھ جائزہ اجلاس؛ بعض سرکاری دفاتر کو اندرون ایک ماہ بیلگاوی کے سورونا ودھان سودھا منتقل کرنے وزیر اعلیٰ کی ہدایت

وزیر اعلیٰ بی ایس یڈی یورپا نے حکام کو اندرون ماہ ریاست کے بعض سرکاری دفاتر کی نشاندہی اور ان کی بیلگاوی کے سورونا و دھان سودھا منتقلی کی ہدایت دی جس کا مقصد علاقائی توازن قائم کرنا ہے۔

اُڈپی میں کورونا وائرس کے معاملات کو لے کر ریاستی وزیر اور محکمہ صحت کے اعداد و شمار میں نمایاں فرق؛ کہیں رپورٹ کو چھپایا تو نہیں جارہا ہے ؟

اُڈپی ضلع میں کورونا وائرس کے معاملات کی تعداد کو لے کر ریاستی وزیر برائے محصولات آر اشوک اور محکمہ صحت کی جانب سے جاری اطلاع میں فرق کی وجہ سے اُڈپی ضلع کے عوام تذبذب کا شکار ہوگئے ہیں۔