ہاتھرس گینگ ریپ: پولیس نے بیٹی کی آخری خواہش پوری نہیں کرنے دی، متاثرہ کے والد

Source: S.O. News Service | Published on 30th September 2020, 9:52 PM | ملکی خبریں |

ہاتھرس،30؍ستمبر(ایس او نیوز؍ایجنسی) اترپردیش کے ضلع ہاتھرس میں درندگی کی شکار متاثرہ کو بدھ کی علی الصبح اہل خانہ کی عدم موجودگی میں آخری رسوم کی ادائیگی کردی گئی۔ متاثرہ کے والد کا الزام ہے کہ ضلع انتظامیہ نے بیٹی کی آخری خواہش پوری کرنے کا موقع نہیں دیا۔

متاثرہ کی آخری رسوم کی ادائیگی علی الصبح تقریباً سوا تین بجے پولیس کی موجودگی میں کردی گئی حالانکہ اہل خانہ اور مقامی افراد اس کی مخالفت کر رہے تھے۔ آخری رسوم کی ادائیگی کے وقت مبینہ طور سے اہل خانہ موجود نہیں تھے۔ متاثرہ کے والد کا الزام ہے کہ ضلع انتظامیہ نے بیٹی کی آخری خواہش پوری کرنے کی اجازت نہیں دی۔

نم آنکھوں سے انہوں نے کہا کہ 'بیٹی نے کہا تھا کہ وہ گھر آنا چاہتی ہے۔ وہ اپنی چوٹ کی وجہ سے گھر نہیں جاسکی تھی لیکن ہم انتظامیہ کے رویہ کی وجہ سے بیٹی کی آخری خواہش بھی پوری نہیں کرسکے۔ متاثرہ کے بھائی سندیپ نے میڈیا نمائندوں سے کہا کہ ضلع انتظامیہ جلدی میں تھا اور چاہتا تھا کہ والد کے پہنچانے سے پہلے آخری رسوم ادا کردی جائیں۔ متاثرہ کی لاش پہنچنے کے کچھ ہی دیر بعد والد گھر پہنچ گئے تھے۔

وہیں انتظامیہ کا دعوی ہے کہ آخری رسوم کی ادائیگی اہل خانہ کی مرضی سے کی گئی ہے۔ جوائنٹ مجسٹریٹ پریم پرکاش مینا نے صحافیوں سے کہا کہ متاثرہ کے آخری رسوم کی ادائیگی کردی گئی ہے۔ پولیس انتظامیہ متاثرہ کو انصاف دلانے اور مجرمین کو سخت سزا دلانے کے لئے پرعزم ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...