آسٹریلوی گیند بازوں کو لمبے قد کا فائدہ ملے گالیکن ہندوستانی بلے باز بھی تیار: روہت

Source: S.O. News Service | By INS India | Published on 20th November 2018, 12:21 AM | اسپورٹس |

برسبین ،19؍ نومبر (آئی این ایس انڈیا؍ایس او نیوز)ہندوستانی نائب کپتان روہت شرما نے کہا کہ آسٹریلیا کے گیند بازوں کو اپنے لمبے قد کا فائدہ ملے گا لیکن ان کی ٹیم بھی اس بار کرکٹ کی نئی تاریخ رقم کرنے کو تیار ہیں۔ہندوستانی ٹیم دورے کا آغاز 21 نومبر کو ٹی 20 میچ سے کرے گی۔روہت نے کہا کہ تیز پچوں پر کھیلنے اتنا آسان نہیں ہو گا۔ہندوستان نے ہمیشہ پرتھ یا برسبین میں کھیلا ہے۔ان دونوں میدانوں پر حالات مشکل رہتے ہیں اور آسٹریلیا کے لمبے قد کے گیندباز حالات کا پورا فائدہ اٹھاتے ہیں۔ہندوستانی بلے باز عام طور پر اتنے لمبے نہیں ہوتے لہٰذا ہمارے لیے اتنا آسان نہیں ہوگا۔ ہمارے بلے بازوں کے لیے یہ مشکل ہے لیکن سب سے زیادہ کھلاڑی پہلے آسٹریلیا کا دورہ کر چکے ہیں اور حالات سے واقف ہیں۔تین میچوں کی ٹی 20 سیریز کے بعد ہندوستان کو چار میچوں کی ٹیسٹ اور تین میچوں کی ون ڈے سیریز کھیلنی ہے۔ ہندوستان نے اب تک آسٹریلیا میں ٹیسٹ سیریز نہیں جیتی ہے۔تین سیریزڈرا رہی اور آٹھ میں اس شکست کا سامنا کرنا پڑا۔ہم اس وقت بہترین کارکردگی کرکے جیتنا چاہتے ہیں۔آسٹریلیا میں اچھی کارکردگی سے حوصلے بڑھتا ہے اور ورلڈ کپ سے پہلے جیتنے سے ہمارا اعتماد کافی بڑھے گا۔انہوں نے یہ بھی کہا کہ آسٹریلیا جیسی مضبوط ٹیم کے خلاف تمام کھلاڑیوں کو اچھا کھیلنا ہوگا ۔آسٹریلیا کو آسٹریلیا میں ہرانا بہت مشکل ہے۔ایسے میں ایک یونٹ کے طور پر اپنی بہترین کارکردگی کرنی ہوگی۔ہمارے پاس بہترین گیندباز خاص طور پر اسپنر ہیں جن سے ہم آسٹریلیائی بلے بازوں کو سخت چیلنج دیں گے۔
 

ایک نظر اس پر بھی

پاکستان کے آل راؤنڈرشاہد آفریدی کے گھر پانچویں بیٹی کی پیدائش

پاکستان کے آل راؤنڈر شاہد آفریدی کے یہاں پانچویں بیٹی کی پیدائش ہوئی ہے۔ شاہد آفریدی نے سوشل میدیا پر اپنی بیٹیوں کی تصویر شیئر کرتے ہوئے لکھا ہے کہ میں یہ خوشخبری اپنے چاہنے والوں کے ساتھ شیئر کر رہا ہوں۔

انڈر 19 ورلڈ کپ: بنگلہ دیش نے پہلا ورلڈ کپ خطاب جیت کر رقم کی تاریخ ، پانچویں مرتبہ چمپئن بننے کا ہندوستان کا خواب ٹوٹا

آئی سی سی کا یہ مسلسل دوسرا ورلڈ کپ فائنل تھا ، جو انتہائی سنسنی خیز رہا ۔ انگلینڈ میں 2019 میں کھیلے گئے ون ڈے ورلڈ کپ کی سنسنی خیزی تو تاریخ کے سنہرے اوراق میں درج ہوگئی ، ساتھ ہی ہندوستان اور بنگلہ دیش کے درمیان انڈر 19 ورلڈ کپ کا خطابی مقابلہ بھی لمحہ لمحہ شائقین کے دلوں کی ...

350 ویں جیت کے ساتھ نیوزی لینڈ کا سیریز پر قبضہ

مارٹن گپٹل (79) اور راس ٹیلر (ناٹ آوٹ 73) کی نصف سنچری اننگز کے بعد گیند بازوں کی شاندار کارکردگی سے نیوزی لینڈ نے ہندوستان کو آج دوسرے ون ڈے میچ میں 22 رنز سے شکست دے کر دو۔صفر سے سیریز پر ناقابل تسخیر برتری حاصل کر لی۔نیوزی لینڈ کی یہ اس کی ون ڈے تاریخ میں 350 ویں جیت ہے۔

نیوزی لینڈ نےہندوستان کو شکست دے دی،راس ٹیلرکی شاندار سنچری

جارح بلے باز راس ٹیلر کی ناقابل شکست 109رن کی شاندار سنچری اور سلامی بلے باز ہنری نکولس (78) اور کپتان ٹام لاتھم (69) کی بہترین نصف سنچریوں کی بدولت نیوزی لینڈ نے ہندوستان کو پہلے ایک روزہ میچ میں بدھ کے روز چار وکٹ سے ہرا کر تین میچوں کی سیریز میں 0۔1 کی سبقت حاصل کرلی۔