کاروار:13؍جولائی  (ایس اؤ نیوز) کچھ ماہ پہلے اپنی ڈیوٹی انجام دینےو الے ایکسائز افسر پر حملہ کرنے والے ملزم چتاکول تھانہ پولس نے گرفتار کرکے عدالت میں پیش کیا ، جہاں عدالت نےملزم کو عدالتی تحویل میں بھیجا ہے۔

حملہ کرنےو الے ملزم کی شناخت ماجالی ، گھوٹنے باگ کا دتیش مہادیو سرونکر (39) بتائی گئی ہے۔ کچھ مہینےپہلے تیلماتی کے قریب شراب کی غیر قانونی سپلائی کی مصدقہ خبر پر ایکسائز ڈی وائی ایس پی اور ان کی ٹیم نے چھاپہ مارا تھا۔ چھاپہ ماری کے دوران خاتون افسر اور ایکسائز افسران پر حملہ کرنے کے علاوہ سرکاری فرائض کو انجام دینے سے روکنے کے متعلق تین سے زائد لوگوں کے خلاف کیس درج ہواتھا۔ پولس جال بچھا کر ملزموں کی تلاش میں سرگرداں ہونے کے باوجود کوئی بھی ہاتھ نہیں آیا تھا۔ مفرور ملزموں میں سے دتیش نامی ملزم ہبوواڑہ میں قیام پذیر ہونے کے متعلق مصدقہ اطلاع پر پولس برق رفتاری سے چھاپہ مارکر ملزم کو گرفتار کرنےمیں کامیاب ہوئی ہے۔ معاملےمیں استعمال کی گئی اسکوٹر کو بھی ضبط کرلیا گیا ہے۔ پوچھ تاچھ کے بعد پولس نے ملزم کو عدالتی تحویل میں بھیج دیا ہے۔