ملپے بندرگاہ علاقے میں مچھلی کے تاجر پر قاتلانہ حملہ

Source: S.O. News Service | By I.G. Bhatkali | Published on 7th June 2019, 8:40 PM | ساحلی خبریں | ان خبروں کو پڑھنا مت بھولئے |

اُڈپی 7/جون (ایس اونیوز) ملپے میں واقع ماہی گیری کی بندرگاہ کے علاقے میں جمعہ کی علی الصبح چند نقاب پوش افراد پرمشتمل ایک ٹولی نے فرنگی پیٹھ سے تعلق رکھنے والے ریاض(۲۳سال) نامی مچھلی کے تاجر پر تلواروں سے قاتلانہ حملہ کردیا جس کی وجہ شدید زخمی ریاض کو منی پال کے اسپتال میں داخل کیا گیا ہے جہاں اسے آئی سی یو میں رکھا گیا ہے۔

 بتایاجاتا ہے کہ مچھلی کے کاروبار کے سلسلے میں ریاض ملپے فشنگ پورٹ پر صبح کے وقت پہنچاتھا۔ اس کے ساتھ دیگر تین ساتھی اور بھی تھے۔ بندرگاہ کے علاقے میں پہنچنے کے بعداس کے ساتھ مچھلیوں کی خرید و فروخت کے لئے گاڑی سے باہر نکل گئے جبکہ ریاض اپنی گاڑی میں ہی سوتارہا، تھوڑ دیر کے بعدمنگلورو سے ہی اس کی گاڑی کاپیچھا کررہے شرپسندوں کی ایک ٹولی نے ریاض پر قاتلانہ حملہ کردیا جس سے اس کی ایک انگلی کٹ گئی۔ گلے، ہاتھ اور پیروں پر تلواروں کے گہرے زخم آئے ہیں۔

 ریاض فرنگی پیٹھ گرام پنچایت کارکن بھی ہے۔ابھی تک اس قاتلانہ حملے کی وجوہات کا پتہ نہیں چلا ہے۔ گمان یہی ہے کہ یہ حملہ کسی پرانی رقابت کی وجہ سے ہوا ہے یا پھر اس کے پیچھے مالی لین دین کا کوئی معاملہ ہے۔پولیس کاکہنا ہے کہ ابتدائی جانچ مکمل ہونے کے بعد ہی اس حملے کا سبب بتایا جاسکے گا۔اڈپی سرکل پولیس انسپکٹر منجو ناتھ اور ملپے سب انسپکٹر مدھو نے جائے واردات پر پہنچ کر حالات کا جائزہ لیا۔ملپے پولیس اسٹیشن میں کیس درج کرلیا گیا ہے۔

ایک نظر اس پر بھی

بھٹکل کا ایک ماہی گیر سمندر میں ڈوب کر ہوگیا فوت

چھوٹی سی کشتی پر سمندر میں ماہی گیری کے لئے جانے والا ایک شخص توازن کھو جانے کے بعد سمندر میں گر کر فوت ہوگیا ہے۔ مہلوک ماہی گیر کا نام دُرگپّا ماستی موگیر (65سال) بتایا جاتا ہے جو کہ بھٹکل میں بیلنی علاقے کا رہنے والا تھا۔

بھٹکل کا ایک ماہی گیر سمندر میں ڈوب کر ہوگیا فوت

چھوٹی سی کشتی پر سمندر میں ماہی گیری کے لئے جانے والا ایک شخص توازن کھو جانے کے بعد سمندر میں گر کر فوت ہوگیا ہے۔ مہلوک ماہی گیر کا نام دُرگپّا ماستی موگیر (65سال) بتایا جاتا ہے جو کہ بھٹکل میں بیلنی علاقے کا رہنے والا تھا۔

بھٹکل: مرڈیشور میں راہ چلتی خاتون کو اغوا کرنے کی کوشش ہوگئی ناکام؛ علاقہ میں تشویش کی لہر

تعلقہ کے مرڈیشور میں ایک خاتون کو اغوا کرنے کی کوشش اُس وقت  ناکام ہوگئی جب اُس نے ہاتھ پکڑ کھینچتے وقت چلانا اور مدد کے لئے پکارنا شروع کردیا،  وارات  منگل کی شب قریب نو بجے مرڈیشور کے نیشنل کالونی میں پیش آئی۔واقعے کے بعد بعد نہ صرف مرڈیشور بلکہ بھٹکل میں بھی تشویش کی لہر ...