سرسی 9 / جنوری (ایس او نیوز)  کرناٹک کے وزیر اعلیٰ کی  15 جنوری کو سرسی  دورہ کے موقع پر جنگل واسیوں کے مسائل حل کرنے اور زمین کے قانونی حقوق فراہم کرنے کا مطالبہ کرتے ہوئے انہیں ایک میمورنڈم  پیش کیا جائے گا ۔ اس بات کی اطلاع  اتی کرم ہوراٹا سمیتی کے صدر رویندرا نائک  نے پریس ریلیز جاری کرتے ہوئے دی ہے۔

 رویندرا نائک نے بتایا کہ  سرسی کے تحصیلدار شریدر مندلمنی سے درخواست کی گئی ہے  کہ وہ  ہوراٹا سمیتی کے وفد کووزیر اعلیٰ سے ملاقات کرکے میمورنڈم دینے کا موقع فراہم کرے ۔ انہوں نے بتایا کہ جنگل واسیوں کے مسائل حل  کرنے میں حکومت اور انتظامیہ ناکام ہونے اور جنگل کی پریشانیاں سنگین ہونے کی وجہ سے وزیر اعلیٰ سے ملاقات کرنا اور ان مسائل کو ان کے روبرو پیش کرنا انتہائی ضروری ہوگیا ہے ۔ 

وفد میں رویندرا نائک کے علاوہ لکشمن مالکنور، ابرہیم گوڈلّی ، میراں صاب ، عبدالغفار، گنپتی راما مراٹھی ، محمد صاب ، شیخ دادا صاب وغیرہ موجود تھے ۔