لاک ڈاؤن کے دوران حادثوں میں کم از کم 198 مہاجر مزدوروں کی گئی جان

Source: S.O. News Service | Published on 3rd June 2020, 10:02 PM | ملکی خبریں |

نئی دہلی،3؍جون(ایس او نیوز؍ایجنسی) ہندوستان میں 25 مارچ سے 31 مئی کے درمیان لاک ڈاؤن سختی کے ساتھ نافذ تھا اور اس دوران تقریباً 200 مہاجر مزدوروں کی موت گھر لوٹنے کے دوران 1461 سڑک حادثوں میں ہوئی۔ 'سیو لائف فاؤنڈیشن' کے ذریعہ جمع اعداد و شمار کے مطابق ان حادثات میں کم از کم 198 مہاجر مزدوروں سمیت کل 750 لوگوں کی موت ہوئی ہے۔

کورونا وائرس انفیکشن کی زنجیر کو توڑنے کے لیے مودی حکومت کے ذریعہ لگائے گئے لاک ڈاؤن کے سبب پورے ملک میں بھوک پیاس سے بے حال ہزاروں فیملیاں گھر جانے کے لیے نکل پڑی تھیں۔ کوئی وسائل نہ ہونے کے سبب لاکھوں لوگ پیدل ہی سامان اور بچوں کو کندھے پر لاد کر ہزاروں کلو میٹر دور اپنے گھروں کی جانب نکل پڑے۔ کئی علاقوں میں اب بھی ہزاروں لوگ اس سفر پر ہیں۔

اس دوران مجبوری اور ناامیدی میں جان بچانے کے لیے پیدل ہی گھروں کی جانب نکلے کئی مزدوروں کے ساتھ کئی حادثے بھی پیش آئے ہیں جن میں تقریباً 200 مہاجر مزدوروں کی جان چلی گئی۔ اتر پردیش میں سب سے زیادہ 94 اموات ہوئیں۔ اس کے بعد مدھیہ پردیش میں 38، بہار میں 16، تلنگانہ میں 11 اور مہاراشٹر میں 9 لوگوں کی سڑک حادثے میں موت ہو گئی۔

'سیو لائف فاؤنڈیشن' کے ذریعہ میڈیا ٹریکنگ اور کئی ذرائع سے ویریفکیشن کے ذریعہ جمع اعداد و شمار کے مطابق زیادہ تر حادثات تیز رفتار گاڑی چلانے اور ڈرائیور کی تھکن کی وجہ سے ہوئی۔ اعداد و شمار کے مطابق 68 دنوں کے لاک ڈاؤن کے دوران 1390 لوگ سڑک حادثات میں زخمی ہوئے۔ اس معاملے میں بھی اتر پردیش 30 فیصد یعنی 245 زخمیوں کے ساتھ سرفہرست ہے۔ اس کے بعد تلنگانہ 56، مدھیہ پردیش 56، بہار 43، پنجاب 38 اور مہاراشٹر 36 بھی اس فہرست میں شامل ہیں۔

'سیو لائف فاؤنڈیشن' کے بانی اور چیف ایگزیکٹیو افسر پیوش تیواری نے کہا کہ کووڈ-19 کے ساتھ اب بھی چاروں جانب ہم سڑک حادثات سے متعلق ٹراما کے ساتھ زیادہ ہیلتھ کیئر نظام کا بوجھ نہیں اٹھا سکتے۔ اعداد و شمار سے پتہ چلتا ہے کہ تیسرے اور چوتھے مرحلہ میں ریاستوں سے پابندیوں کو ہٹانے کے ساتھ سڑک حادثات میں اضافہ ہوا۔ ان سب کے درمیان 68 فیصد اموات میں پیدل مسافر، دو پہیہ اور تین پہیہ گاڑی شامل ہیں۔

ایک نظر اس پر بھی

سی بی ایس ای طلباء کو راحت، 9؍ویں سے 12؍ ویں کے نصاب میں 30 فیصد تخفیف

کووڈ-19 کے بڑھتے معاملات کے درمیان اسکول کے نہ کھل پانے کی وجہ سے نظام تعلیم پر اثر اور کلاسز کے اوقات میں بھی آئی کمی کے پیش نظر سی بی ایس ای نے منگل کو تعلیمی سال 21-2020 کے لئے 9ویں -12ویں کا نصاب 30 فیصدی تک کم کر دیا ہے۔

کورونا انفیکشن: ہندوستان ہوا بے حال، مریضوں کی تعداد تقریباً 7.5 لاکھ، مہلوکین 20642

 ہندوستان میں کورونا کا قہر لگاتار بڑھتا ہی چلا جا رہا ہے۔ گزشتہ کچھ دنوں سے روزانہ 20 ہزار سے زائد نئے مریض سامنے آ رہے ہیں اور مہلوکین کی تعداد میں بھی 400 سے 500 کے درمیان درج کی جا رہی ہے۔ تازہ ترین خبروں کے مطابق ہندوستان میں کورونا متاثرہ افراد کی کل تعداد 7.42 لاکھ اور ہلاکتوں ...