خاتون امیدوار کی انتخابی ریلی پر بم حملہ، کم از کم 14 افراد ہلاک
کابل14 اکتوبر (ایس او نیوز؍ایجنسی) افغانستان کے شمالی صوبہ تخار میں ایک خاتون پارلیمانی امیدوارکی انتخابی ریلی میں ہونے والے بم حملے میں کم ازکم14افرادہلاک جب کہ30 سے زائددیگرافرادزخمی ہیں۔ افغانستان کے شمال مشرقی صوبہ تخار کے پولیس ترجمان خلیل عسیر کے مطابق دھماکا خیز مواد ایک موٹر سائیکل پر نصب کیا گیا تھا جسے ضلع روستک میں ہونے والی اْس انتخابی ریلی کے قریب کھڑا کیاگیا تھا جس سے ایک خاتون پارلیمانی امیدوار نذیفہ یوسف بیک نے خطاب کرنا تھا۔ اس ریلی میں شرکت کے لیے کافی زیادہ لوگ جمع تھے تاہم پولیس کا کہنا تھا کہ دھماکے کے وقت نذیفہ وہاں موجود نہیں تھیں اس لیے وہ محفوظ رہیں۔
