بریکنگ نیوز

انڈونیشیا میں فٹبال میچ کے دوران خونریز تصادم، 127 افراد ہلاک، سیکڑوں زخمی

Source: S.O. News Service | Published on 2nd October 2022, 11:15 AM | عالمی خبریں |

جکارتہ، 2؍ اکتوبر (ایس او نیوز؍ایجنسی) انڈونیشیا میں فٹبال میچ کے دوران ہونے والے تشدد میں 127 افراد ہلاک ہو گئے ہیں، جبکہ متعدد زخمی ہو گئے ہیں۔ رپورٹ کے مطابق ہلاک ہونے والے افراد میں دو پولیس اہلکار بھی شامل ہیں۔ انڈونیشیا کی پولیس نے واقعے کی تصدیق کر دی ہے۔

خبر رساں ایجنسی اے این آئی کے مطابق واقعہ مشرقی جاوا میں پیش آیا، جہاں ایک فٹبال گراؤنڈ پر میچ کھیلا جا رہا تھا۔ اس میچ کو دیکھنے کے لیے تماشائیوں کی بڑی تعداد پہنچی ہوئی تھی۔ اریما ایف سی اور پرسی بایا سرابیا کے درمیان کھیلے گئے میچ کے میں پرسی بایا نے 2 کے مقابلے 3 گول داغے اور جیت حاصل کر لی۔

مقامی ٹیم اریما ایف سی کی ہار کو یہاں موجود لوگوں کی بڑی تعداد برداشت نہیں کر سکی اور اپنا آپا کھو دیا۔ ہوم گراؤنڈ پر میچ ہارنے پر اریما ایف سی کے سیکڑوں مداح اسٹیڈیم میں داخل ہوگئے، مشتعل مداحوں کو منتشتر کرنے کے لئے پولیس نے آنسو گیس کے گولے داغے۔

اس تشدد میں دو پولیس اہلکار بھی مارے گئے ہیں۔ فٹبال اسٹیڈیم میں ہونے والے تشدد کی اطلاع کسی نے پولیس کو دی، جس کے بعد پولیس موقع پر پہنچی اور انڈونیشین نیشنل آرمڈ فورس کے اہلکاروں نے کسی طرح کھلاڑیوں کو بحفاظت میدان سے باہر نکالا۔

ایک نظر اس پر بھی

دنیا بھر میں بڑھتی مسلم دشمنی نسل پرستی،عدم برداشت دیکھ رہے ہیں: اقوام متحدہ

کوپن ہیگن کی ایک مسجد کے قریب اسلام مخالف شخص کی جانب سے ڈنمارک میں ترک سفارت خانے کے سامنے مسلمانوں کی مقدس کتاب جلانے کے چند گھنٹے بعد اقوام متحدہ نے خبردار کیا کہ انٹرنیٹ نے نفرت انگیز تقریر کو بھڑکایا جس سے مجرموں کو اپنا جھوٹ، سازشیں اور دھمکیاں پھیلانے میں مدد ملی۔

قرآن کو جلانے کے خلاف مظاہروں میں شدت

سویڈن اور ہالینڈ میں انتہائی دائیں بازو کے کارکنوں کی طرف سے حالیہ دنوں میں اسلام کی مقدس کتاب کو نذر آتش کرنے کی مذمت کیلئے جمعہ کو کئی مسلم اکثریتی ممالک میں احتجاجی مظاہرے کیے گئے-

دنیا بھر میں ہورہی ہے چھٹنی،سروے سے کھلا راز، ہر 4 میں سے 1 ہندوستانی کو ملازمت سے برطرفی کا خدشہ

دنیا بھر کی بڑی ٹیک کمپنیوں میں  ملازمین کو نوکریوں سے برطرف کیا جارہا ہے۔ اور ذرائع کی مانیں تو  ہر 4 میں سے 1 ہندوستانی ملازمت کے خاتمے  کو لے کر پریشان ہے۔ دوسری طرف 4 میں سے 3 ہندوستانی بڑھتی ہوئی مہنگائی سے پریشان ہیں۔

افغانستان میں ریکارڈ سردی ، اب تک 157 افراد ہلاک

افغانستان میں اس وقت شدید سردی پڑ رہی ہے۔ میڈیا رپورٹس کے مطابق سردی نے گزشتہ 15 سال کا ریکارڈ توڑ دیا ہے اور درجہ حرارت گر کر مائنس 34 ڈگری سلسیس تک پہنچ گیا ہے۔ سردی کی اس شدت نے گزشتہ ایک ہفتہ میں لوگوں کو بری طرح حراساں کیا ہے اور سردی کی وجہ سے اموات کی تعداد میں بھی زبردست ...

قرآن کی بے حرمتی کیخلاف عالمِ اسلام میں شدید احتجاج، ترکی ، عراق ، ایران ، لیبیا ، سعودی عرب، یو اے ای اور دیگر اسلامی ممالک میں عوام سڑکوں پر نکل آئے

اسلام کی  مخالفت میں  زہر اگلنے والے  ڈینش سیاست داں راسموس پالودان کے ذریعہ اسٹاک ہوم میں ترک سفارت خانے کے سامنے  قرآن مقدس کا نسخہ نذر آتش کرنے کے خلاف پاکستان، ایران اور ترکی سمیت کئی اسلامی ملکوں میں احتجاجی مظاہرے ہورہے ہیں۔