جی ایس ٹی کی شرح 25 فیصد سے کم ہو چھوٹی صنعتوں کی مشکلات دورکی جائیں:ایسوچیم
نئی دہلی،16/جنوری (ایس او نیوز/یواین آئی) ایسوچیم نے سبھی سلیب میں گوڈس اینڈ سروس ٹیکس (جی ایس ٹی) کی شرح25فیصد تک کم کرنے اور چھوٹی، بہت چھوٹی اور درمیانے درجے کی صنعتوں کے شعبے کے مسائل فوری طورپر حل کرنے اور زرعی شعبے میں کارپوریٹ فارمنگ شروع کرنے کے بجٹ میں التزام کرنے کے ساتھ کچھ مطالبات حکومت کے سامنے رکھے ہیں اور انہیں امید ہے انہیں مکمل کئے جانے سے اقتصادی سست روی دور ہوگی اور روزگار کے وسیع مواقع پیدا ہوں گے - ایسوچیم کے صدر نرنجن ہیرانندانی نے چہارشنبہ کو یہاں نامہ نگاروں سے بات چیت میں کہا کہ صنعتی شعبے کو امید ہے کہ آئندہ بجٹ میں ایسے التزام کئے جائیں گے جس سے معیشت کو رفتار ملے گی اور آئندہ کچھ برسوں میں ملک 50کھرب ڈالر کی معیشت والا ملک بن جائے گا-انہوں نے کہا کہ وہ امید کرتے ہیں کہ حکومت تجارت میں سہولتوں کے لئے انٹرپینور کے سامنے زمینی سطح پر درپیش مشکلات کو دور کرنے کے ساتھ ساتھ نئی اکائیوں کی منظوری دینے کے عمل کو سہل کرے گی -