آسام میں سیلاب سے حالات بہت خراب، اب تک ہو چکی ہیں 11 اموات

Source: S.O. News Service | By Shahid Mukhtesar | Published on 15th July 2019, 10:46 PM | ملکی خبریں | ان خبروں کو پڑھنا مت بھولئے |

نئی دہلی،15/جولائی (ایس اونیوز/ آئی این ایس انڈیا)  آسام میں سیلاب سے حالات اور بھی خراب ہو گئے اور اس سے مرنے والوں کی تعداد بڑھ کر 11 ہو گئی ہے۔ اس قدرتی آفات سے 28 اضلاع کے تقریباً26.5 لاکھ لوگ متاثر ہوئے ہیں۔آسام ریاست ڈیزاسٹر مینجمنٹ اتھارٹی (اے ایس ڈی ایم اے) کی رپورٹ کے مطابق جورہاٹ، بارپیٹا اور دھبری اضلاع میں چار لوگوں کی موت ہوئی ہے۔اتھارٹی نے بتایاہے کہ سیلاب سے متاثر 28 اضلاع میں بارپیٹا سب سے زیادہ متاثر ہے جہاں 7.35 لاکھ لوگ متاثر ہوئے ہیں۔اس کے بعد مورے گاؤں میں ساڑھے تین لاکھ لوگ متاثر ہوئے ہیں۔دھبری ضلع میں متاثرہ لوگوں کی تعداد 3.38 لاکھ ہے۔ہفتہ تک سیلاب سے کل 33 اضلاع میں سے 25 اضلاع کے 14.06 لاکھ لوگ متاثر ہوئے۔ایڈیشنل چیف سیکرٹری(آمدنی اورڈیزاسٹر مینجمنٹ) کمار سنجے کرشن نے بتایا کہ محکمہ موسمیات کی پیشن گوئی کے مطابق آسام میں مزیدبارش ہو سکتی ہے اور برہم پتر ندی کے پانی کی سطح بڑھ سکتی ہے۔ انہوں نے کہا کہ ریاستی حکومت صورت حال سے نمٹنے میں مکمل طورپر اہل ہے۔گزشتہ سال ہمیں مرکز سے 590 کروڑ روپے حاصل ہوئے تھے۔ہمارے پاس کافی فنڈ ہے اور اضلاع کے لیے 55.85 کروڑ روپے پہلے ہی جاری کر چکے ہیں۔افسر نے بتایا قاضی رنگا نیشنل پارک کا 70 فیصد حصہ بھی متاثرہواہے۔یہ ایک سینگ والے گینڈا کا گھر ہے اور عالمی ثقافتی ورثہ والی جگہ ہے۔برہم پتر ندی گوہاٹی، نماتی گھاٹ، سونی پور، گولپورا اور دھبری میں خطرے کے نشان سے اوپر بہہ رہی ہے۔

ایک نظر اس پر بھی

سی اے اے کیخلاف قرار دادیں ’’دستوری اعتبار سے بھیانک غلطی‘‘ ، کوئی طاقت کشمیری پنڈتوں کو کشمیر واپس جانے سے نہیں روک سکتی ؛ منگلورو میں ریالی سے راجناتھ سنگھ کا خطاب

وزیر دفاع راجناتھ سنگھ نے آج اپوزیشن پارٹیوں کو ہدف تنقید بناتے ہوئےاُن سے خواہش کی ہے کہ یہ پارٹیاں ‘ جہاں اُن کی اکثریت ہے، ریاستی اسمبلیوں میں سی اے اے کیخلاف قرار دادیں منظور کرتے ہوئے ’’دستوری اعتبار سے بھیانک غلطی ‘‘ نہ کریں۔ راجنا تھ سنگھ نے اپوزیشن پارٹیوں کو مشورہ ...

معیشت میں بہتری کے لیے ’مرہم‘ نہیں، سخت اقدامات کی ضرورت: کانگریس

کانگریس نے کہا ہے کہ لوگوں کی آمدنی اور خریدنے کی اہلیت کم ہونے کے ساتھ ہی صنعتی پیداوار، براہ راست ٹیکس، درآمدات۔برآمدات وغیرہ میں کمی کی وجہ سے معیشت بری صورت حال سے دوچار ہے اور بہتر ی کے لئے لیپا پوتی کرنے کے بجائے اب طویل مدتی سخت اقدام کرنے کی ضرورت ہے۔

سی اے اے مخالف مظاہروں کے لئے پاپولر فرنٹ کے ذریعہ مالی فنڈنگ کئے جانے کا الزام بے بنیاد؛ پریس ریلیز کے ذریعے پی ایف آئی کی وضاحت

پاپولر فرنٹ آف انڈیا نے اخباری بیان جاری کرتے ہوئے اُن تمام خبروں کی سخت الفاظ میں مذمت کی  ہے، جنہیں مختلف نیوز چینلوں نے اس طرح سے بیان کیا ہے کہ سی اے اے مخالف مظاہروں کو بھڑکانے کے لئے پاپولر فرنٹ نے بڑی رقم خرچ کی ہے۔ پریس ریلیز میں بتایا گیا ہے کہ  نیوز چینلوں نے اس رپورٹ ...

سابق عظیم باسکٹ بال کھلاڑی کوبی برائنٹ سمیت 9دیگر افراد ہلاک

امریکہ کےکالابساس علاقے میں اتوار کے روز ہوئے ایک ہیلی کاپٹر کے حادثے میں نیشنل باسکٹ بال ایسوسی ایشن (این بی اے) کے سابق عظیم کھلاڑی کوبی برائنٹ سمیت 9دیگر افراد ہلاک ہوگئے۔لاس اینجلس کاؤنٹی شیریف الیکس ولانویوا نےاس بات کی تصدیق کرتے ہوئے کہا ’’باسکٹ بال کے عظیم کھلاڑی ...

منگلورو:سی اے اے کی حمایت میں اجلاس عام وزیر دفاع راج ناتھ سنگھ کی شرکت۔ نیشنل ہائی وے پر ٹریفک کا رخ موڑ دیا گیا ہے۔ بھٹکل سے منگلورو سفر کرنے والے نوٹ کریں

منگلورو میں شہریت ترمیمی قانون سی اے اے اور این آر سی کی حمایت میں اجلاس عام کا انعقاد کیا گیا ہے جس میں ملک کے وزیر دفاع راج ناتھ سنگھ شرکت کررہے ہیں۔