ایشیا کپ:پاکستان نے ہانگ کانگ کو 8 وکٹوں سے شکست دے دی

Source: S.O. News Service | By Shahid Mukhtesar | Published on 17th September 2018, 1:14 PM | اسپورٹس |

دبئی، 17؍ستمبر (ایس او نیوز؍ایجنسی)ایشیاء کپ کرکٹ ٹورنامنٹ میں پاکستان نے ہانگ کانگ کو شکست دے کر ایونٹ میں فاتحانہ آغاز کردیا ہے۔ گرین شرٹس نے ہانگ کانگ کو 8 وکٹوں سے ہرا دیا۔دبئی میں کھیلے گئے ایشیاء کپ کے میچ میں پاکستان کے خلاف ہانگ کانگ کے کپتان انشومن راتھ نے ٹاس جیتا اور پہلے بیٹنگ کا فیصلہ کیا۔ ان کافیصلہ ان کی ٹیم کیلئے غلط ثابت ہوا، پوری ٹیم پاکستانی باؤلرز کا سامنا نہ کرسکی اور صرف 116 رنز پر ہی پویلین لوٹ گئی۔اعزاز خان 27 اور کلچت شاہ 26 رنز بناکر نمایاں اسکورر رہے۔

پاکستان کی جانب سے عثمان خان شنواری نے 3 جبکہ حسن علی اور شاداب خان نے 2، 2 کھلاڑیوں کو آؤٹ کیا۔جواب میں پاکستان نے مطلوبہ ہدف دو وکٹ کے نقصان پر پورا کرلیا۔ امام الحق نے ناٹ آؤٹ رہتے ہوئے شاندار نصف سنچری اسکور کی۔

بابر اعظم 33 اور اوپنر فخر زمان 24 رنز بناکر آؤٹ ہوئے۔ جبکہ بابر اعظم نے اپنے ون ڈے کیریئر میں دو ہزار رنز بھی مکمل کرلیے۔ 

پاکستان اپنا اگلا میچ 19ستمبر کو ہندوستان کے خلاف کھیلے گا۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...