نیشنل میڈیا نے بھارت جوڑو یاترا کا بائیکاٹ کیا: اشوک گہلوت

Source: S.O. News Service | Published on 6th December 2022, 12:15 PM | ملکی خبریں |

جھالاوار، 6؍دسمبر (ایس او نیوز؍ایجنسی) چیف منسٹر راجستھان اشوک گہلوت پیر کے دن مین اسٹریم نیشنل میڈیا پر برس پڑے۔ انہوں نے دعویٰ کیا کہ مین اسٹریم نیشنل میڈیا نے راہول گاندھی کی بھارت جوڑو یاترا کا ”بائیکاٹ“ کیا کیونکہ ایڈیٹرس اور مالکین دباؤ میں ہیں۔

کانگریس زیراقتدار ریاست میں بھارت جوڑو یاترا داخل ہونے کے ایک دن بعد یہاں پریس کانفرنس سے خطاب میں اشوک گہلوت نے دعویٰ کیا کہ میڈیا جمہوریت کے چوتھے ستون کے طورپر اپنی ذمہ داری پوری کرنے میں پوری طرح ناکام رہا۔ تاریخ اس کے لئے اسے معاف نہیں کرے گی۔

آل انڈیا کانگریس کمیٹی کے جنرل سکریٹری (کمیونیکیشن) جئے رام رمیش نے پریس کانفرنس میں موجود صحافیوں کا دفاع کرنے کے لئے مداخلت کی اورکہا کہ صحافیوں کو موردِالزام نہیں ٹھہرانا چاہئے کیونکہ یہ لوگ اپنا کام اچھی طرح کررہے ہیں تاہم انہوں نے بھی افسوس ظاہر کیا کہ مین اسٹریم میڈیا میں یاترا کا کوریج ہماری توقع کے مطابق نہیں ہے۔

اشوک گہلو ت نے کہا کہ یاترا کو ملک بھر میں اور سوشل میڈیا پر زبردست تائید حاصل ہے۔ انہوں نے کہا کہ میرا الزام ہے کہ میڈیا نے بائیکاٹ کیا ہے۔ لاکھوں لوگ یاترا میں حصہ لے رہے ہیں لیکن قومی میڈیا سپورٹ نہیں کررہا ہے۔ اس کا مطلب یہ ہوا کہ اسے سماجی کاز سے کوئی لینا دینا نہیں جس کے لئے اس کا وجود ہے۔ چوتھا ستون ہونے کے ناطہ اس کی اپنی اہمیت ہے۔

انہوں نے پوچھا کہ آیا میڈیا نے 1990میں بی جے پی قائد ایل کے اڈوانی کی یاترا کو کور نہیں کیا تھا۔ میڈیا کی ذمہ داری بنتی ہے کہ وہ بتائے کہ کیا ہورہا ہے۔ حادثہ ہوتا ہے تو آپ کور کرتے ہیں۔ راہول گاندھی مثبت سوچ کے ساتھ مارچ کررہے ہیں‘ یہ پازیٹیو یاترا ہے۔ اس میں کوئی تشدد نہیں‘ کوئی نفرت نہیں۔ اگر آپ لوگ اس یاترا کو نہیں دکھارہے ہیں تو آپ اپنی ڈیوٹی پوری نہیں کررہے ہیں۔

اشوک گہلوت نے کہا ”کان کھول کر سن لو‘ نیشنل میڈیا والے بھی‘ اسٹیٹ میڈیا والے بھی‘ اتہاس آپ کو معاف نہیں کرے گا“۔ چیف منسٹر نے کہا کہ میڈیا ہاؤزس کے بھی ”ہائی کمانڈس“ ہوتے ہیں اور صحافی بھی تبادلوں اور پوسٹنگس سے ڈرتے ہیں۔ اشوک گہلو ت نے کہا کہ مجھے پتہ ہے کہ آپ لوگ تبادلہ کے نام سے گھبراتے ہو۔ مجھے معلوم ہے کورونا دور میں تنخواہیں ایک لاکھ سے گھٹاکر 70 ہزار اور اس سے گھٹاکر 30 ہزار روپے کردی گئیں۔

مجھے یہ بھی پتہ ہے کہ کورونا دور ختم ہونے کے باوجود پرانی تنخواہیں بحال نہیں ہوئی ہیں۔ میں آپ لوگوں سے کہنا چاہتا ہوں کہ آپ اپنے مالکین کو بتادیں کہ ہم ڈرنے والے نہیں۔ راہول گاندھی سچائی اور عدم تشدد کے راستہ پر چل رہے ہیں اور ان کا کارواں شروع ہوچکا ہے۔

آپ لوگ اپنی ڈیوٹی کرتے ہیں اور کوریج اپنے دفتر کو بھیج دیتے ہیں لیکن مالکین اور ایڈیٹرس دباؤ میں ہیں۔ میرا الزام ہے کہ ان لوگوں نے ایسی بڑی یاترا کا بائیکاٹ کیا۔ جئے رام رمیش نے کہا کہ اشوک جی ان پرالزام نہ دھریں۔ ان کی بھی ہائی کمانڈ ہے۔ ان کی ہائی کمانڈ کے نزدیک یاترا کی ڈیمانڈ نہیں ہے لیکن ایسے بھی صحافی ہیں جو کنیاکماری سے یاترا کور کررہے ہیں۔ یہ الگ بات ہے کہ مین اسٹریم میڈیا میں نیوز کوریج حسب ِ توقع نہیں رہا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...