ٹسٹنگ بڑھانے کرناٹک کی جدوجہد، موبائل لیاب مددگار بنیں گے

Source: S.O. News Service | Published on 27th June 2020, 6:11 PM | ریاستی خبریں |

بنگلورو،27 جون (ایس او نیوز) ریاست کی جانب سے کئے جانے والے کووڈ19- کے ٹیسٹ اس مقام تک نہیں پہنچے ہیں جہاں افسران یہ فیصلہ کر سکیں کہ بیماری قابو میں ہے۔

شہر کے ایک سائنسدان نے کہا کہ ٹیسٹنگ کا خلا پاٹنے کے لئے قائم کئے جانے والے موبائل ڈیاگنوسٹنک یونٹ ٹیسٹنگ کے خلاء کو پاٹ سکیں گے۔ ماہرین وبا کے مطابق ٹیسٹنگ میں زیادتی پازیٹویٹی میں کمی کا اشارہ دیتی ہے، جس کا اندازہ کل کئے گئے ٹیسٹ اور پازیٹیو کی شرح سے لگایا جاسکتا ہے۔

علمی صحت تنظیم (ڈبلیو ایچ او) کہتی ہے کہ سفارش کردہ پازیٹیو ٹیسٹ کی شرح 10فی صد سے کم ہونا ہے۔ آئی سی ایم آر ڈیٹا دکھاتاہے کہ کرناٹک کا ٹیسٹ پازیٹیو یٹی ریٹ (ٹی پی آر) 1.9 فیصد ہے۔ تاہم اسی دوران ریاست کا فی دس لاکھ ٹیسٹنگ ریٹ صرف 8,613 ہے۔ 24 جون تک ریاست نے 640 لاکھ کی آبادی کے لئے صرف 5.39 لاکھ ٹیسٹ کئے تھے۔

ریاست کی ایکسپرٹ کمیٹی کے ایک رکن نے کہا کہ ٹیسٹنگ کے اعداد میں کمی ٹیسٹنگ کٹوں کی کمی کے سبب نہیں۔ تاہم کم ٹیسٹنگ کو کئی معاملات بشمول سواب کے حصول میں کمی اور ریاست کے 77 ٹیسٹنگ سنٹرس کی تعمیل میں کمی سے محمول کیا جاتا ہے۔ مئی 30 کو روزانہ  15728ٹیسٹنگ کی حد کو چھونے کے بعد یہ اعداد 15 جون کو 5362  تک گھٹ گئے۔ اسی دوران کووِڈ 19- کے نتائج کا بیاک لاگ 13714 تک بڑھ گیا جس میں بنگلورو میں 2874 اور کلبرگی میں 3378 تھا۔

ٹیسٹنگ کے نوڈل افسران ڈاکٹر سی این منجوناتھ اس معاملے میں روشنی ڈالنے دستیاب نہیں ہو سکے۔ ٹیسٹنگ کا خلا نمہانس اور بنگلورو میڈیکل کالج اینڈ ریسرچ انسٹی ٹیوٹ میں ٹیسٹنگ سہولت بند کئے جانے کے سبب ہوا جب 22 جون کو اس کے عملے افراد میں بیماری آگئی۔ دونوں سنٹرس روزانہ 1000 ٹیسٹنگ کرتے تھے۔ اس پس منظر میں انڈین انسٹی ٹیوٹ آف سائنس میں +2-BSL موبائل ڈیاگنوسٹک اینڈ ٹیسٹنگ یونٹ کی تیاری میں مصروف سائنسدان اور انجینئروں نے مشورہ دیا کہ اس سے نپٹنے کے لئے موبائل ٹیسٹنگ یونٹ مددگار ہوں گے۔

پروفیسر شیواسائی گورتی نے کہا کہ ملک بھر میں کووِڈ 19- کی جانچ میں شدید خلا کو روکنے کی ضرورت کے سبب ان یونٹوں کا قیام ہوا ہے۔ مارچ میں شروع ہوئی وبا کے بعد موبائل یونٹ تیار کئے جا رہے ہیں اور کہا جاتا ہے وہ روزانہ 320 ٹیسٹ کرنے کے اہل ہیں۔ ڈاکٹر گوروتی نے وضاحت کی کہ یہ یونٹ فی الحال ایک ٹاٹا جورس ٹراولر وین پر موجود ہے جو سواب حاصل کرنے کے لئے ڈیزئن کیا گیا ہے۔

ایک نظر اس پر بھی

کورونا سے متاثر ہو کرمرنے والوں کی تدفین میں رکاوٹ درست نہیں، لاک ڈاؤن ہو یا نہ ہو اپنے آپ احتیاط برت کر وائرس سے بچنے کی کوشش کریں: ضمیر احمد خان

شہر بنگلورو میں کورونا وائرس کے کیسوں کی تعداد میں جس طرح کا بے تحاشہ اضافہ ہو رہا ہے اسی رفتار سے اس مہلک وباء کی زد میں آکر مرنے والوں کی تعداد میں بھی اضافہ ہو تا جارہا ہے۔ اس وباء کا شکار ہو کر مرنے والے افراد کی تدفین اور دیگر آخری رسومات کے لئے عالمی صحت تنظیم کی طرف سے جو ...

کوروناروک تھام اورکووڈطبی آلات کی خریداری میں 2,200کروڑروپے کا غبن

عالمی وباکوروناوائر س کی روک تھام اورمتاثرین کے علاج ومعالجہ کے لیے درکارطبی آلات کی خریداری میں 2,200کروڑروپے کابڑامالی گھوٹالہ ہواہے۔یہ گمبھیرالزام اپوزیشن لیڈروسابق وزیراعلیٰ سدارامیا نے عائدکیاہے۔

کوروناکاقہر جاری،کرناٹک میں ایک ہی دن 21اموات، 24گھنٹوں کے دوران بنگلورومیں 994سمیت جملہ 1694کووڈکاشکار

ریاست میں آج ایک ہی دن کوروناوائرس کی زدمیں آکر21مریض ہلاک ہوگئے جبکہ 1694 کووڈمعاملات کا پتہ چلاہے۔ کرناٹک میں بھی کوروناوائر س کاخوفناک پھیلاؤ رکنے اورتھمنے کا نام نہیں لے رہاہے،ہرگزرتے لمحے اوردن کے ساتھ کوروناوائرس کے نئے معاملات میں اضافہ ہی ہوتاجارہاہے،