نئی دہلی، 9/ جولائی (ایس او نیوز/آئی این ایس انڈیا) ایشمان کھرانہ کی فلم ’ھآرٹیکل 15‘کو سپریم کورٹ سے بڑی راحت ملی ہے۔پیر کو سپریم کورٹ نے ’برہمن سماج آف انڈیا تنظیم‘ کی اس درخواست کو مسترد کر دیا جس میں اس فلم پر روک لگانے کی اپیل کی گئی تھی۔سپریم کورٹ نے درخواست گزار ادارے کو کہا کہ وہ متعلقہ فورم میں عرضی داخل کرے۔ حالانکہ فلم 28 جون کو ہی ریلیز ہو چکی ہے۔برہمن سماج آف انڈیا ادارے کی جانب سے نیمناتھ چترویدی نے عرضی داخل کرکے فلم کی مخالفت کرتے ہوئے کہا ہے کہ فلم کے ذات پر مبنی معاشرے میں نفرت پھیلا سکتے ہیں۔سچے مجرمانہ واقعہ کے پس منظرمیں بتاتے ہوئے فلم میں جھوٹے، غلط اور توڑ مروڑ کر کہانی پیش کی گئی ہے جس کے ذات پر مبنی ڈائیلاگ قابل اعتراض، افواہ پھیلانے والے اور سماج میں نفرت پیدا کرنے والے ہیں۔عرضی میں فلم کے نام ’آرٹیکل15‘پر اعتراض کرتے ہوئے کہا گیا ہے کہ اس سے آئین کے آرٹیکل 15 کے تئیں لوگوں میں غلط شبیہ پیدا ہوگی۔ حکومت کی اجازت کے بغیر فلم کا نام ’آرٹیکل 15‘نہیں رکھا جا سکتا۔عرضی میں مطالبہ کیا گیا ہے کہ فلم سرٹیفیکیشن بورڈ کو ہدایت دی جائے کہ وہ فلم کی نمائش کا جاری سرٹیفکیٹ منسوخ کرے۔