دنیا میں کورونا سے تقریباً 1.60 افراد متاثر، 6.43 لاکھ سے زیادہ اموات

Source: S.O. News Service | Published on 26th July 2020, 9:34 PM | ملکی خبریں | عالمی خبریں |

بیجنگ؍ جنیوا؍ نئی دہلی،26؍جولائی (ایس او نیوز؍ایجنسی) عالمی وبا کورونا وائرس (کووڈ۔ 19) کے پھیلاؤ میں روز بروز اضافہ ہو رہا ہے اور اب تک 1.60 کروڑ سے زیادہ افراد اس وائرس سے متاثر اور643821 افراد ہلاک ہوچکے ہیں۔ کووڈ- 19 کے متاثرہ افراد کے معاملے میں امریکہ دنیا میں پہلے، برازیل دوسرے اور ہندوستان تیسرے نمبر پر ہے دوسری طرف اس وبا کی وجہ سے تعداد اموات کے معاملے میں امریکہ پہلے، برازیل دوسرے اور برطانیہ تیسرے نمبر پر ہے جبکہ اموات کے لحاظ سے ہندوستان چھٹے نمبر پر ہے۔

امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری کردہ اعداد و شمار کے مطابق دنیا بھر میں کورونا متاثرین کی تعداد 15996140 تک جا پہنچی ہے جبکہ اس وبا کی وجہ سے 643821 افراد اپنی زندگی سے ہاتھ دھو بیٹھے ہیں۔ دنیا کی سپر پاور سمجھے جانے والے امریکہ میں اب تک کورونا سے 4177847 افراد متاثر ہوچکے ہیں اور 146460 افراد لقمہ اجل بن چکے ہیں۔ برازیل میں اب تک 2394514 افراد متاثر ہوئے ہیں جبکہ 86449 افراد لقمہ اجل بن چکے ہیں۔

ہندوستان میں گزشتہ 24 گھنٹوں کے دوران کورونا کے 48661 نئے کیس رپورٹ ہوئے ہیں اور اس کے ساتھ ہی اس سے متاثرہ افراد کی تعداد 1385522 ہوگئی ہے۔ اب تک ملک میں مجموعی طور پر 885577 مریض ٹھیک ہوئے ہیں جبکہ اس وبا کی وجہ سے 32063 افراد ہلاک ہوچکے ہیں۔

کووڈ ۔19 کے معاملات میں روس چوتھے نمبر پر ہے اور یہاں متاثرین کی تعداد 805332 ہے اور اب تک 13172 افراد اپنی زندگی سے ہاتھ دھو بیٹھے ہیں۔ جنوبی افریقہ میں کورونا کی وبا پھیلنے کا سلسلہ بدستور جاری ہے جس کی وجہ سے جنوبی افریقہ کورونا سے متاثر ہونے کے معاملے میں دنیا میں پانچویں نمبر پر آگیا ہے۔ اب تک یہاں 443200 افراد متاثر ہوچکے ہیں اور 6655 افراد لقمہ اجل بن چکے ہیں۔ وہیں میکسیکو میں کورونا سے 385036 افراد متاثر ہوئے ہیں اور42645 افراد لقمہ اجل بن چکے ہیں۔

پیرو میں بھی صورتحال خراب تر ہوتی جارہی ہے۔ یہاں متاثرہ افراد کی تعداد 375961 ہوگئی ہے اور 17843 افراد لقمہ اجل بن چکے ہیں۔ کووڈ 19 میں متاثر ہونے کے معاملے میں چلی اب آٹھویں نمبر پر ہے۔ اب تک یہاں پر 343992 افراد متاثر ہوئے ہیں اور مرنے والوں کی تعداد 9020 ہے۔ انفیکشن کے معاملے میں برطانیہ نویں نمبر پر ہے۔ اب تک یہاں 300270 افراد اس وبا سے متاثر ہوچکے ہیں اور 45823 افراد ہلاک ہوچکے ہیں۔

دوسری جانب خلیجی ملک ایران میں متاثرہ افراد کی تعداد 288839 تک پہنچ چکی ہے اور اس کی وجہ سے 15484 افراد لقمہ اجل بن چکے ہیں۔ ہمسایہ ملک پاکستان میں اب تک 273113 افراد کورونا سے متاثر ہوئے ہیں اور 5822 افراد لقمہ اجل بن چکے ہیں۔ اسپین میں کورونا سے متاثرہ افراد کی تعداد 272421 ہے جبکہ 28432 افراد دنیا سے رخصت ہوچکے ہیں۔ وہیں سعودی عرب میں کورونا انفیکشن سے اب تک 264973 افراد متاثر ہوئے ہیں اور 2703 کی موت ہوچکی ہے۔ یوروپی ملک اٹلی میں 245864 افراد اس جان لیوا وائرس سے متاثر ہوئے ہیں اور 35102 افراد ہلاک ہوچکے ہیں۔

کولمبیا میں 240795 افراد کورونا سے متاثر ہیں اور 8269 افراد ہلاک ہوگئے ہیں۔ ترکی میں کورونا متاثرین کی تعداد بڑھ کر 225173 ہوگئی ہے اور یہاں 5596 افراد نے دنیا کو الوداع کہا ہے۔ بنگلہ دیش میں 221178 افراد کورونا سے متاثر ہوئے ہیں جبکہ 2874 افراد اس مرض سے ہلاک ہوگئے ہیں۔ فرانس میں کورونا سے متاثرہ افراد کی تعداد 217801 ہے اور 30195 افراد لقمہ اجل بن چکے ہیں۔ جرمنی میں 206278 افراد متاثر اور 9124 افراد فوت ہوگئے ہیں۔

کورونا وائرس سے متاثر ہونے والوں میں بیلجیئم میں 9821، کناڈا میں 8929، نیدرلینڈ میں 6159، سویڈن میں 5697، ایکواڈور میں 5507، انڈونیشیا میں 4652، مصر میں 4652، عراق میں 4558، رومانیہ میں 2285، ارجنٹینا میں 2893، بولیویا میں 2535 ہیں۔ سوئٹزرلینڈ میں 1977، فلپائن میں 1897، آئرلینڈ میں 1764، پرتگال میں 1716، گوائٹے مالا، پولینڈ میں 1649، یوکرین میں 1610، پاناما 1275 اور افغانستان میں 1248 شامل ہیں۔

ایک نظر اس پر بھی

دہلی میں ای-گاڑی پالیسی کا اعلان، الیکٹرک گاڑیوں کی خریداری پر رعایت ملے گی

ہلی کی اروند کیجریوال حکومت نے دارالحکومت کو آلودگی سے پاک کرنے کے منصوبے کے تحت جمعہ کے روز ای- گاڑی پالیسی کو نافذ کرنے کا اعلان کیا، جس میں مختلف زمروں کی الیکٹرک گاڑیاں خریدنے کے لئے 30 ہزار سے لے کر 1.5 لاکھ روپے تک رعایت دی جائے گی۔

بے لگام میڈیا پر جمعیۃ کی عرضی: جب تک عدالت حکم نہیں دیتی حکومت خود سے کچھ نہیں کرتی: چیف جسٹس

مسلسل زہر افشانی کرکے اور جھوٹی خبریں چلاکر مسلمانوں کی شبیہ کوداغدار اور ہندوؤں اورمسلمانوں کے درمیان نفرت کی دیوارکھڑی کرنے کی دانستہ سازش کرنے والے ٹی وی چینلوں کے خلاف داخل کی گئی

دہلی فسادات: پروفیسر اپوروانند کی حمایت میں سامنے آئے ملک و بیرون ملک کے دانشوران

 ملک اور بیرون ملک کے ایک ہزار سے زائد معروف دانشوروں، نوکر شاہوں، صحافیوں، مصنفوں، ٹیچروں او اسٹوڈنٹس نے دہلی یونیورسٹی کے پروفیسر اپوروانند سے مشرقی دہلی میں فسادات کے معاملے میں پوچھ گچھ کئے جانے اور انکا موبائل فون ضبط کرنے کے واقعہ کی شدید مذمت کی ہے اور پولیس کے ذریعہ ...

کالعدم چینی کمپنیوں سے بی جے پی کے گہرے رشتے ہیں: کانگریس

 کانگریس نے الزام عائد کیا ہے کہ حکومت نے قومی سلامتی کے لیے خطرہ بتاتے ہوئے جن چینی کمپنیوں پر پابندی لگائی ہے ان میں سے کئی کے بھارتیہ جنتا پارٹی (بی جے پی) سے گہرے رشتے ہیں اور گزشتہ عام انتخابات میں ان کمپنیوں نے اس کے لیے تشہیری مہم کا کام کیا تھا۔

سری لنکا: عام انتخابات میں مہندا راج پکشے کی جماعت فتح یاب

سری لنکا کے وزیر اعظم مہندا راجپکشے کی زیرقیادت سری لنکا پڈوجانا پیرامونا (ایس ایل پی پی) نے پارلیمانی انتخابات میں زبردست فتح حاصل کی۔ ملک میں 225 نشستوں کے لئے ہونے والے پارلیمانی انتخابات میں ایس ایل پی پی نے 145 نشستوں پر جیت درج کرکے دو تہائی اکثریت حاصل کرلی ہے۔

لبنان: تین روزہ قومی سوگ کا آغاز، عالمی امداد بھی جاری

لبنان میں جہاں ایک طرف زبردست دھماکے کی وجوہات کی تفتیش جاری ہے وہیں جمعرات سے تین روزہ قومی سوگ کا آغاز ہوگیا ہے۔ بیروت میں ہونے والے دھماکے میں 135 افراد ہلاک ہوئے تھے۔لبنان کے دارالحکومت بیروت میں منگل کے روز ہونے والے بم دھماکے سلسلے میں حکومت نے جس تین روزہ سوگ کا اعلان کیا ...

عالمی ادارہ صحت نے کہا؛ سماجی فاصلہ برقرار نہ رکھنے سے بڑھ رہے ہیں کورونا کے معاملات، نوجوان مریضوں کی تعداد میں تین گنا اضافہ

عالمی ادارہ صحت (ڈبلیو ایچ او) کا کہنا ہے کہ سماجی فاصلہ برقرار نہ رکھنے کی وجہ سے گزشتہ پانچ ماہ کے دوران کرونا وائرس سے متاثرہ نوجوانوں کی تعداد میں تین گنا اضافہ ہوا ہے۔ڈبلیو ایچ او کی رپورٹ کے مطابق فروری کے آخر سے لے کر جولائی کے وسط تک، کرونا وائرس کا شکار ہونے والے 60 لاکھ ...

جاپانی ماہرین کا کورونا وائرس کی وبا پر قابو پانے کے لئے سوپر کمپیوٹر کے استعمال کا اعلان

کورونا وائرس کی روکتھام کے اقدامات سے متعلق جاپان کے انچارج وزیر نیشی مورا یاسوتوشی نے امید ظاہر کی ہے کہ حکومت، مصنوعی ذہانت اور دیگر ٹیکنالوجیز کو بروئے کار لاتے ہوئے، انفیکشنز پر قابو پانے کے نئے موثر اقدامات دریافت کرنے میں، رواں ماہ کے آخر تک کامیاب ہو جائے گی۔ جاپانی ...