عرب لیگ کا ہنگامی اجلاس آج لیبیا کی صورت حال اور النہضہ ڈیم زیرِ بحث

Source: S.O. News Service | Published on 23rd June 2020, 9:37 PM | خلیجی خبریں | عالمی خبریں |

دبئی، 23/جون (آئی این ایس انڈیا)عرب لیگ کے وزراء خارجہ کا ایک ہنگامی اجلاس آج منگل کے روز منعقد ہو رہا ہے۔ یہ اجلاس مصر کی درخواست پر بلایا گیا ہے۔

 اجلاس میں لیبیا کی صورت حال اور النہضہ ڈیم کا بحران زیر بحث آئے گا۔یہ اجلاس مصری صدر عبدالفتاح السیسی کے اس اعلان کے بعد منعقد ہو رہا ہے جس میں انہوں نے کہا تھا کہ لیبیا میں مصر کی کسی بھی براہ راست مداخلت کو اب بین الاقوامی سطح پر قانونی حیثیت حاصل ہو گئی ہے۔ السیسی نے فوج کو ہدایت کی تھی کہ وہ ملک کے اندرون یا بیرون کسی بھی فوجی کارروائی کے لیے تیار رہیں۔

لیبیا میں فائر بندی، سیاسی حل تک رسائی اور بیرونی مداخلت روکنے کیلئے عرب ممالک کی کوششیں جاری ہیں۔ دوسری جانب لیبیا کی وفاق حکومت نے عرب لیگ کا ہنگامی اجلاس طلب کرنے کے حوالے سے مصر کی دعوت کو مسترد کر دیا۔ وفاق حکومت کی وزارت خارجہ کے مطابق وڈیو کے ذریعے بند کمرے کا اجلاس ایسے امور پر بحث کے لیے ٹھیک نہیں جو گہرائی میں جا کر تبادلہ خیال کے متقاضی ہیں۔

جہاں تک النہضہ ڈیم کے بحران کا تعلق ہے تو اقوام متحدہ نے مصر، ایتھوپیا اور سوڈان تینوں ممالک پر زور دیا ہے کہ وہ اس ڈیم کے حوالے سے باہمی اختلافات کے حل کے لیے کام کریں۔ مصر نے اس معاملے کو سلامتی کونسل میں پیش کیا ہے جب کہ ایتھوپیا کی جانب سے اس اقدام کو مسترد کرتے ہوئے اس کی مذمت کی گئی ہے۔

یاد رہے کہ مصری صدر عبدالفتاح السیسی یہ باور کرا چکے ہیں کہ ان کی فوج سرحدوں کے اندر اور اس کے باہر ملک کا دفاع کرنے کی قدرت رکھتی ہے۔ انہوں نے خبردار کیا کہ مصر کی مغربی سرحد کی سلامتی کے لیے کسی خطرے کی اجازت نہیں دی جائے گی۔ السیسی کے مطابق لیبیا میں سرت اور الجفرہ کے شہر مصر کے حوالے سے سرخ لائن کی حیثیت رکھتے ہیں۔

ایک نظر اس پر بھی

سعودی عرب نے ہندوستان پر لگائی سفری پابندی

ہندوستان میں کورونا انفیکشن بے قابو ہوتا ہوا نظر آ رہا ہے۔ روزانہ تقریباً ایک لاکھ مریض سامنے آ رہے ہیں اور کورونا مریضوں کی تعداد کے معاملے میں ہندوستان دنیا میں دوسرے نمبر پر ہے۔

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

سعودی عربیہ کے طائف میں کار حادثہ کا شکارایک نوجوان جاں بحق، دوسرا شدید زخمی

یہاں سے قریب  35 کلو میٹر دور گولی ہوڑے کا ایک نوجوان سعودی عربیہ کے طائف میں ہوئے سڑک حادثہ میں جاں بحق ہوگیا جس کی شناخت  افتخار مٹّا (33) کی حیثیت سے کی گئی ہے۔ حادثے میں گنگولی کا رہنے والا ایک شخص جس کی شناخت مالی سرفراز (43) کی حیثیت سے کی گئی ہے شدید زخمی ہوا ہے جسے طائف کے کنگ ...

بحرین کی اسرائیل سے ڈیل،علاقائی سلامتی کو تقویت ملے گی: شیخ سلمان کی نیتن یاہو سے گفتگو

بحرین کے ولی عہد شیخ سلمان بن حمد آل خلیفہ نے اسرائیلی وزیراعظم بنیامین نیتن یاہو سے ٹیلی فون پر بات چیت کی ہے۔انھوں نے عالمی سلامتی اور امن کو مضبوط بنانے اور امن ، استحکام اور خوش حالی کے فروغ کے لیے مسلسل کوششیں جاری رکھنے کی ضرورت پر زوردیا ہے۔

ایردوآن نے یو این میں اٹھایا مسئلہ کشمیر، ’اندرونی معاملات میں دخل نہ دے ترکی‘ انڈیا کی تاکید

 جموں و کشمیر کے حوالہ سے اقوام متحدہ کی جنرل اسمبلی میں ترکی کے صدر رجب طیب اردوآن کے بیان پر اقوام متحدہ میں ہندوستان کے مستقل نمائندہ ٹی ایس ترومورتی نے سخت احتجاج کرتے ہوئے کہا ہے کہ ترکی کو دوسرے ممالک کی خودمختاری کا احترام کرنا سیکھنا چاہئے۔