کاروار: سائنس اور انجنئیرنگ میں پی ایچ ڈی کےلئے کرناٹک حکومت کی طرف سے اسکالرشپ
کاروار:20؍جنوری (ایس اؤ نیوز) حکومت کرناٹکا کے محکمہ سائنس اور ٹکنالوجی کے ڈی ایس ٹی سائنس اور انجنئیرنگ میں پی ایچ ڈی (تحقیق) کے لئے ڈی ایس ٹی ۔پی ایچ ڈی اسکالرشپ نامی پروگرام خود مختار ادارے کرناٹکا سائنس اور ٹکنالوجی ترغیب سوسائٹی کے ذریعے نافذ کیا جارہاہے۔
سال 2020-2021میں متعلقہ منصوبے کی اسکالرشپ حاصل کرنے کےلئے طلبا کو آن لائن عرضی داخل کرنی ہے۔ اسکالرشپ کے لئے وہ طلبا جو کرناٹکا حکومت سے تصدیق شدہ کسی بھی یونیورسٹی یا تعلیمی ادارے میں پی ایچ ڈی کے لئے رجسٹریشن کئے ہیں وہی رجسٹریشن کروا سکتے ہیں۔
محکمہ کے مینجنگ ڈائرکٹر نے جانکاری دیتے ہوئے بتایا کہ آن لائن عرضی داخل کرنےکی آخری تاریخ 10فروری کی شام 5بجے تک ہے۔ زیادہ تفصیلات اور معلومات کے لئے طلبہ http://ksteps.karnataka.gov.in ویب سائٹ پر وزٹ کرسکتے ہیں اور اپنا فارم بھرسکتے ہیں۔