بنگلورو یونیورسٹی : لاء ڈگری کے 5سالہ کورس کیلئے عرضیاں مطلوب
بنگلورو، 29؍جون (ایس او نیوز) بنگلورو یونیورسٹی کے گنانا بھارتی کے احاطہ میں موجود لاء کالج میں سال2022-23کے 5سالہ بی اے، ایل ایل بی (آنرس کورس) ڈگری پہلے سمسٹر میں داخلہ کے لئے آن لائن عرضیاں مطلوب ہیں۔
یونیورسٹی کی جانب سے جاری اخباری بیان میں بتایاگیا کہ آن لائن عرضی داخل کرنے کی آخری تاریخ 15جولائی ہے۔ بذریعہ آن لائن بھرتی کردہ عرضیوں کو ڈاؤن لوڈ کرکے تصدیق کردہ دستاویزات کے ساتھ 20 جولائی کے اندر پرنسپل کو پیش کریں۔
ذرائع نے بتایاکہ عرضی داخل کرنے کے خواہشمند امیدوار پی یو سی سال دوم یا مساوی امتحانات میں کم سے کم 45فیصد مارکس کے ساتھ کامیاب ہوں اور درج ذات و فہرست طبقات کے امیدواروں کے لئے 40 فیصد اور او بی سی کے امیدوار 42 فیصد مارکس کے ساتھ کامیاب ہونا لازمی ہے۔ عمر عام زمرہ کے لئے 20سال اور درج ذات و فہرست طبقات او بی سی اور غیرملکی طلبہ کے لئے 22سال مقرر کی گئی ہے۔
مزید تفصیلات کے لئے یونیورسٹی کے ویب سائٹ www.bangaloreuniversity.ac.inیا www.ulc.bangalore.com دیکھیں یا رابطہ کریں۔ 080-22961172