کاروار:17؍ستمبر(ایس اؤ نیوز)آل انڈیا سینک اسکول داخلہ امتحان کے ذریعے کورگ کی فوجی اسکول میں سال 2020-21 کے  6اور 9جماعت  میں داخلہ جات کے لئے لڑکوں سے عرضیاں مطلوب ہیں۔

جو طلبا 6میں داخلہ چاہتے ہیں  ان کی پیدائشی تاریخ  یکم اپریل 2008سے 31مارچ 2010کے درمیان ہو اور جو 9جماعت میں داخلہ چاہتے ہیں ان کی پیدائشی تاریخ یکم اپریل 2005سے 31مارچ 2007کے درمیان ہونی چاہئے۔ اسی طرح تصدیق شدہ اسکول سے 8جماعت کی اسٹڈی سرٹیفکٹ سونپنی ہوگی۔

6ویں جماعت کے لئے 85اور 9ویں جماعت کے لئے 30نشستیں مختص ہیں۔ طلبا کا انتخاب داخلہ امتحان میں طلبا کے حاصل کردہ زائد نمبرات کی بنیاد پر اور میڈیکل ٹسٹ کے ذریعے ہوگا۔ متعلقہ نشستوں میں پسماندہ ذات کے لئے 15فی صد، پچھڑے طبقات کے لئے 7.5فی صد، محکمہ دفاع (ڈیوٹی انجام دے رہے اور وظیفہ یاب فوجیوں کے بچوں کے لئے )25فی صد نشستیں ریزروہونگی۔ جنرل اور محکمہ دفاع کے طلبا کے لئے 400روپئے اور پسماندہ و پچھڑے طبقات کے لئے 250روپئے فیس ہوگی۔

6ویں جماعت کے لئے سینک اسکول کورگ،بنگلورو، منگلورو، شیموگہ ، میسور، بائلکوپہ (میسور ضلع )،چتردرگہ اور 9ویں جماعت کے لئے سینک اسکول کورگ میں امتحانی مراکز ہونگے۔ 6اور 9داخلہ امتحانات کے سوالات بالترتیب 5اور 8جماعت کے سی بی ایس سی نصاب کےتحت ہونگے۔ داخلہ امتحان 5جنوری 2020کو ہوگی۔ رجسٹریشن کے لئے 23ستمبر 2019آخری تاریخ ہے۔ویب سائٹ sainikschooladmission.inکے ذریعے  آن لائن بھی رجسٹریشن کرسکتے ہیں۔ زائد معلومات کے لئے 8510055577-8510044411اور 278963-08276پر رابطہ کرنے کی پریس ریلیز میں اپیل کی گئی ہے۔