آئندہ ماہ ویٹرنری یونیورسٹی بیدر میں دو روزہ کانفرنس ، علاقہ حیدر آباد کرناٹکا کے موضوعات پر مضامین لکھنے کی اپیل
بیدر ، 12؍جون (ایس او نیوز؍راست ) ضلعی انتظامیہ سے جاری اطلاعات کے مطابق یونیورسٹی آف ویٹرنری میڈیسن اینڈ فشریز سائنسز بیدر میں آئندہ ماہ دو روزہ ورکشاپ منعقد کرنے کا فیصلہ کیا گیاہے۔ اس ورکشاپ میں علاقہ حیدر آباد کرناٹکا میں 1724 سے 1948 تک کی تعلیمی، تہذہبی ادبی اور مذہبی تاریخ کے ساتھ ساتھ تحریک آزادی، 1948 سے 1956 تک کی تحریکات، لسانی بنیادوں پر ریاستوں کی نئی حد بندیاں، پولیس ایکشن وغیرہ پر تبادلہ خیال کیا جائے گا۔ اس موضوع کے علاوہ ترقیاتی بورڈز کی تشکیل، ننجنڈپا سفارشات کے نفاذ، خصوصی مراعات کے لئے آرٹیکل 371 (j) کے نفاذ پر تاریخ سے دلچسپی رکھنے والوں سے سنجیدہ اور مدلل مضامین لکھنے کی خواہش ظاہر کی گئی ہے. مضامین 10 صفحات سے زیادہ پر مشتمل نہ ہوں۔
ماہرین کا پینل متعلقہ مضامین کو حتمی شکل دینے کا ذمہ دار ہے۔ جب مضامین قبول ہو جائیں گے تو ایسے مصنفین، ماہرین اور مورخین کو ورکشاپ میں شرکت کے لیے مدعو کیا جائے گا۔ متعلقہ مجوزہ موضوعات پر مضامین 25 جون 2022 تک مندرجہ ذیل، ای میلس پر[email protected], [email protected] یاواٹس ایپ نمبر 9342659766 پر ارسال کئے جاسکتے ہیں. اس میٹنگ میں صدرِ اجلاس ڈپٹی کمشنر بیدر مسٹر گویند ریڈی، وائس چانسلر گلبرگہ یونیورسٹی پروفیسر دیانند اگسر، مسٹر لکشمن دستی سیکریٹری اور ڈاکٹر وہاب عندلیب سابق صدرنشین کرناٹک اردواکیڈمی بنگلور، ڈاکٹر ماجد داغی صدر لوک ساہتیہ منچ گلبرگہ،پروفیسر مہابلیشوراپپا سابق صدر شعبہ تاریخ جامعہ گلبرگہ،ڈاکٹر راجندر پرساد وجئے نگر یونیورسٹی کے علاوہ مسٹر شکیل آئی ایس پولس ہید کانسٹیبل ہمنا آباد و دیگر اراکین شریک تھے۔