بھٹکل 22؍ستمبر (ایس او نیوز) موسلادھار بارش کے ساتھ تیز ہواؤں کی وجہ سے سمندر میں اونچی لہریں اٹھ رہی ہیں جس کا اثر بندگاہوں پر لنگر انداز کشتیوں پر بھی دیکھنے کو مل رہا ہے۔  ایسا ہی ایک واقعہ بھٹکل بندرگاہ پر بھی سامنے آیا جس میں ساحل سے ٹکرانے والی تیز سمندری لہروں اور شرابی ندی میں سیلاب آجانےسے پانی کا بہاؤ بہت ہی تیز ہوگیا جس  کی وجہ سے  بندرگاہ میں کنارے پر لنگر انداز 2کشتیاں آپس میں ٹکرا گئیں۔ 

 معلوم ہوا ہے کہ آپس میں ٹکرانے والی ایک کشتی ’ناگ شری‘رامامادیوا موگیر کی ملکیت  ہے ۔ ٹکر کی وجہ سے اس کے تختے ٹوٹ پھوٹ گئے ہیں اور کشتی کے اگلے حصے کو کافی نقصان پہنچا ہے۔چونکہ اس حادثے کے وقت کشتی کے ملاح موقع پر ہی موجود تھے اور انہوں نے فوراًکشتی کو بچانے کے لئے اقدامات کیے،جس کی وجہ سےبڑے پیمانے پر ہونے والا نقصان ٹل  گیا۔ پھر بھی تقریباً  2لاکھ روپےکے نقصان کا انداز لگایا گیا ہے۔