منگلورو، 15؍جولائی (ایس او نیوز) دکشن کنڑا ضلع کو 3500 اینٹی جین کٹس وصول ہوئے ہیں اور ضلع میں عنقریب ریپیڈ  اینٹی جین معائنوں کا آغاز کیا جائے گا۔

محکمہ صحت کے ذرائع نے کہا کہ انہیں امید ہے کہ ریپیڈ  اینٹی جین معائنوں سے معائنوں کی تعداد میں اضافہ ہوگا اور لیابس پر ٹسٹنگ کے بوجھ میں کمی آئے گی کیوں کی اینٹی جین کٹس تیز رفتار نتائج فراہم کرتے ہیں۔

رائیل ٹائم پالیمریس چین ری ایکشن (آر ٹی ۔ پی سی آر) کے ذریعہ نتائج حاصل کرنے میں کم از کم آٹھ گھنٹے درکار ہوتے ہیں مگر اینٹی جین معائنے 30 منٹ میں نتائج فراہم کرتے ہیں۔ اینٹی چین معائنے ، ڈیلیوری، سرجری، کووڈ۔19 کی شدید علامات کے حامل افراد اور اُن افراد پر کئے جائیں  گے جن کے کئی اعضائے جسمانی ناکارہ ہوں یا پھر جن کی حالت نازک ہو۔ اگر کوئی علاماتی مریض ، کووڈ سے منفی پایا گیا تو اس کے بلغم کا نمونہ معائنے کے لیے لیاب بھیجا جائے گا۔