تیجسوی سوریاریاست کیلئے زہریلابیج ہے:ڈی کےشیوکمار
بنگلورو،12/ مئی (ایس او نیوز) ریاست کرناٹک میں کووڈکے معاملات میں ہرگزرتے دن کے ساتھ اضافہ ہورہاہے،اس دوران وزیراعلیٰ نے تیسری لہرپرقابوپانے کی تیاری کرنے کی صلاح دی ہے۔پہلے کووڈکی دوسری لہرپرقابوپانے کی کوشش کرے پھرتیسری لہرپرقابوپانے کی بات کریں۔یہ باتیں کے پی سی سی صدرڈی کے شیوکمارنے کہی۔
انہوں نے حکومت پربرہمی ظاہرکرتے ہوئے کہاکہ ہم تیسری لہرکاسامناکرنے کے لیے تیارہیں مگر کیادوسری لہرمیں جانیں گنوانے والوں کی جانیں واپس لائی جاسکتی ہیں۔کسانوں کی فصلوں کوخریداری کرنے والاکوئی نہیں ہے۔وزیرباغبانی اوروزیرزراعت نے کسانوں کے کھیتوں کاجاکرمعائنہ کرنے کی زحمت د کھائی ہے؟۔اے پی ایم سی جاکروہا ں کے حالات سے واقف ہونے کی کوشش کریں۔سڑکے کنارے تجارت کرنے والے بیوپاری پریشان ہیں،ریاستی حکومت کوچاہئے کہ غریبوں کے بینک کھاتوں میں 10ہزارروپے رقم جمع کرے۔کورونالاک ڈاؤن کے پیش نظرمعاشی کفالت کا پیکیج کا اعلان کیاجائے۔
انہو ں نے حکومت کوآڑے ہاتھ لیتے ہوئے کہاکہ بیڈ،آکسیجن کہاں دستیاب ہیں اس کی جانکاری کے لیے ایک بورڈلگایاجائے۔بیڈنہیں مل رہے ہیں،آکسیجن کامسئلہ ابھی حل نہیں ہواہے۔عوام کے لیے اعلان کردہ ویکسین کہاں دستیاب ہے لوگوں کومعلو م نہیں ہورہاہے۔
اس موقع پرشیوکمارنے بی جے پی رکن پارلیمان تیجسوی سوریاپرسخت تنقیدکرتے ہوئے کہاکہ تیجسوی سوریااس ریاست کے لیے زہریلابیج ہے،اس کے بارے میں کیاکہاجائے وہ کہتاہے کہ افسرنے جولسٹ دی تھی وہ میں نے پڑھی۔کیاکوئی افسرکسی خاص مذہب اورطبقہ کے نام کی لسٹ دے سکتاہے؟اپنی غلطی پرپردہ ڈالنے کے لیے ایک افسرپرالزام عائدکرنامناسب نہیں ہے۔ ریاست میں اگرکوئی فرقہ وارانہ ہم آہنگی میں زہرکھول سکتاہے وہ صرف تیجسوی سوریاہے۔
اس موقع پر ریاستی وزیرپنچایت ودیہی ترقیات ایشورپاکا نام لئے بغیرتنقیدکانشانہ بناتے ہوئے شیوکمارنے کہاکہ ”حکومت کے ہاتھ میں پرنٹنگ مشین نہیں ہے،اس قسم کابیان شیموگہ کے ایک وزیر نے دیاہے،تمہارے گھرمیں نوٹ پرنٹ کرنے کی مشین تھی وہ کہاں گئی؟ اس طرح شیوکمارنے ایشورپاکی کھنچائی کی۔