بحرین 15 ستمبر (محمد اطہر پیرزادے/ ایس او نیوز)  بھٹکل مسلم جماعت کا سالانہ جلسہ اور عام انتخابات مورخہ 10 ستمبر کوبحرین کے فارم ہاوس میں منعقد ہوا جس میں 12 اراکین انتظامیہ کا انتخاب عمل میں آیا۔  انتخابات کے لئے جناب محمد شکیل مصباح صاحب کو الیکشن کمشنر کی ذمہ داری سونپی گئی تھی جنہوں نے نہایت ہی حسن خوبی کے ساتھ اپنے فرائض انجام دئے۔ انتخابات کے لئے 23  اراکین نے اپنے نام   پیش کئے تھے  جس کو دیکھتے ہوئے بیلٹ پیپر کے ذریعے 12 اراکین انتظامیہ کا انتخاب کیا گیا۔ منتخب اراکین کے نام یہ ہیں:  جناب محمد شعیب افریقہ،  مولوی محمد اظہر الدین آرمار، جناب احمد ضیاء محتشم، محمد اسحاق پلور،  جناب  محمد معین  (فہیم) خلیفہ، جناب محمد صابر محتشم، جناب محمد اطہر پیرزادے، جناب محمد مصیب پٹیل، جناب عبدالفتاح  خلیفہ، جناب سرفراز احمد محتشم، جناب ضرار قاسمجی، جناب روشن جمیل آرمار۔

خیال رہے کہ بھٹکل مسلم جماعت بحرین کے جملہ ممبران کی تعداد 125 ہے، جس میں سے کل 86 ممبران جلسہ اور انتخابات میں  شریک ہوئے ۔  بتایا گیا ہے کہ کچھ ممبران چھٹی پر انڈیا جانے کی بنا پر شریک نہ ہوسکے اور بعض ممبران   ڈیوٹی ہونے کی بنا پر   حاضر نہ ہو سکے۔ 

 بھٹکل مسلم جماعت بحرین کی انتظامیہ کل 19 ممبران پر مشتمل ہے، جن میں سے پانچ  ممبران کو  سبکدوش ہونے والی انتظامیہ سے چنا جاتا ہے، اس بار سبکدوش ہونے والی انتظامیہ سے جن ممبران کو چنا گیا، اُن کے نام یہ ہیں: جناب محمد الطاف مصباح، جناب یحیٰ محتشم، جناب محمد شکیل مصباح، مولوی عبدالرزاق خلیفہ، جناب عبدالقادر جیلانی کوبٹے۔

یاد رہے کہ  سالانہ جلسہ کا آغاز  ذائقہ دار ظہرانہ کے ساتھ منگل دوپہر کو  شاکر ربانی کھروری کی تلاوت کلام پاک سے ہوا  تھا۔ جماعت کے جنرل سکریٹری مولوی محمد اظہر الدین آرمار نے ممبران کا استقبال کرتے ہوئے جماعت کی سالانہ کارکردگی رپورٹ پیش کی تھی، مالیاتی رپورٹ بھی پیش کرتے ہوئے ممبران کو سوالات پوچھنے کا موقع دیا گیا تھا۔ جلسہ میں جماعت کے ذمہ دار اور فعال ممبر جناب محمد الطاف مصباح نے  اجتماعیت کی اہمیت کو اجاگر کرتے ہوئے  نمازوں کی پابندی کی طرف  ممبران کی توجہ مبذول کرائی، جماعت کے صدر مولوی عبدالرزاق خلیفہ نے صدارتی خطاب میں اجتماعی کاموں کے فوائد پر روشنی ڈالتے ہوئے تعلیم کی اہمیت بھی ممبران کے گوش گذار کی۔ انہوں نے بالخصوص تعلیم یافتہ نوجوانوں سے جماعت کی انتظامیہ اور دیگر کاموں میں بڑھ چڑھ کر حصہ لینے کی  اپیل کی۔ جس کے بعد انتخابی کاروائی شروع ہوئی تھی۔

 جلسہ کی نظامت محمد صابر محتشم نے کی، اس موقع پر ممبران کی تفریح کے لئے ننے منے بچوں نے ڈرامہ  پیش کیا، جبکہ ممبران کے لئے تیراکی کا بھی انتظام کیا گیا تھا ۔جلسہ کا اختتام رات دس بجے خوبصورت عشائیہ کے ساتھ ہوا۔

اگلی میٹنگ انشاءاللہ کل بروز پیر کو رکھنا طے پایا ہے اور اسی نشست میں عہدیداران کا تقرر عمل میں آئے گا۔