بھٹکل انجمن گرلس ہائی اسکول بستی روڈ اور نوائط کالونی کا مشترکہ سالانہ جلسہ  کا انعقاد :تسکین تراب ’بتول انجمن ‘ اور فاطمہ شاہ بندری ’ دختر انجمن ‘ کے باوقار ایوارڈ سے سرفراز  

Source: S.O. News Service | By Abu Aisha | Published on 1st December 2019, 8:36 PM | ان خبروں کو پڑھنا مت بھولئے | ساحلی خبریں |

بھٹکل:01؍دسمبر(ایس اؤ نیوز) انجمن گرلس ہائی اسکول بستی روڈ اور انجمن گرلس انگلش میڈیم ہائی اسکول نوائط کالونی کے  زیر اہتمام  یکم نومبر 2019بروز اتوار کو مشترکہ طورپر منعقدہ خوب صورت سالانہ جلسے میں تسکین تراب بنت ہدایت اللہ بڈن خان کو   ’بتول انجمن ‘ اورفاطمہ بنت عبداللہ شاہ بندری کو  ’دختر انجمن ‘ باوقار ایوارڈ سے طالبات کو سرفراز کیاگیا ۔

انجمن  ہائی اسکولس کی جانب سے ہرسال اکیڈمک کارکردگیوں ، سرگرمیوں اور ہونہار طالبا ت کو ایوارڈ سے نوازنےکی روایت رہی ہے۔ امسال انہی نکات پر سبھی طالبات میں اپنا بہتر مقام حاصل کرنے والی انجمن گرلس ہائی اسکول بستی روڈ کی طالبہ تسکین تراب کو بتول انجمن اور انجمن گرلس انگلش میڈیم ہائی اسکول نوائط کالونی کی طالبہ فاطمہ شاہ بندری کو دختر انجمن نامی ایوارڈ سے مہمانوں کے ہاتھوں نوازاگیا۔ اسی طرح سال روا ں کی ممتاز طالبات  انجمن گرلس ہائی اسکول کی سنین بنت محمد شعیب برماور اور انجمن گرلس انگلش میڈیم ہائی اسکول کی رحاب بنت جمیل حسین فکر دے کو سلور میڈل سے نوازاگیا۔

جلسہ میں مہمان خصوصی کی حیثیت سے اے جے انسٹی ٹیوٹ آف میڈیکل سائنس منگلورو کے شعبہ نفسیات کی پروفیسر ڈاکٹر دیپتی وی ایچ نے سابق صدر ہند مرحوم اے پی جے عبدالکلام کے قول کے حوالے سے طالبات کو ہدایات دیتے ہوئے کہاکہ بیداری کے عالم میں خواب دیکھا کریں تاکہ تم اپنی منزل کو پہنچ سکو۔ منزل اور اپنے مقام کو پہنچنے کےلئے اوقات کی تنظیم کرنا ضروری ہے طالبات میسر سہولیات کی تقسیم کرتے ہوئے اپنے کاموں کو انجام دینے کی بات کہی۔ انہوں نے مضامین کو کس طرح ذہن میں محفوظ رکھنے اور اس سے وقت مقررہ پر کام لینے کے بہت سارے گُر بتائے۔اعزازی مہمان کے طورپر  مصباح ویمنس کالج سورتکل کی پرنسپال محترمہ زاہدہ جلیل نے لڑکیوں کی تعلیم کو ضروری قرار دیتے ہوئےکہاکہ لڑکیو ں کی تعلیم سے ہی گھروں میں روشنی پیدا ہوتی ہے اور نئی نسل تربیت یافتہ ہوتی ہے۔ انہوں  نے کہاکہ والدین کے پیار و محبت کو سمجھیں اور اس کا بہتر بدلہ دینے کی کوشش کریں۔ طالبات کو انہوں نے نصیحت کی کہ وہ ایک دوسرے سے اپنا موازنہ نہ کریں ، خود کی صلاحیت پر اعتماد کریں اور آگے بڑھنے کی تلقین کی۔ انجمن حامئی مسلمین بھٹکل کے زنانہ مشاورتی کمیٹی کی رکن محترمہ سیمہ نذیر احمد قاسمجی نے جلسہ کی صدارت کی۔

جلسہ کا آغاز روضہ کی تلاوت قرآن سے ہوا۔ راحت حافظکا اور ان کے ساتھیو ں نے ہدیہ نعت پیش کی۔ افلاح اور ان کے ساتھیوں نے ترانہ انجمن پیش کیا ۔ دونوں اسکولس کی صدور مدرسہ محترمہ عطیہ عبدالرحمن آر ایس اور صباح دامدا نے اسکول کی تعلیمی کارکردگیوں پر مشتمل سالانہ رپورٹ کی خواندگی کی۔ محترمہ گلزار شیخ نے مہمانوں کا تعارف پیش کرنے کے بعد سبھی کا استقبال کیا۔ محترمہ پروین نے شکریہ کلمات ادا کئے۔

ایک نظر اس پر بھی

میڈیا کی پیش کردہ تصویر سے کوسوں دورہے میرا شہر بھٹکل :  سرکاری اسپتال کی میڈیکل آفیسر ڈاکٹر سویتا کا تجربہ

برائیوں میں ڈوبی دنیا میں آج بھی  انسانیت ہے،ایسی ہی ایک زندہ مثال میرےاپنے امن وامان کے لئے مشہور  شہر بھٹکل میں خود میرے ساتھ پیش آئی ہے ،جب کہ میرے اس شہر کے متعلق میڈیا ہزار باتیں لکھتا ہےاور جو دکھاتا ہے وہ اس سے کوسو ں دور ہے۔ بھٹکل سرکاری اسپتال کی میڈیکل آفیسر ڈاکٹر ...

بھٹکل نیشنل ہائی وے پر تیزرفتار بس، لاری سے ٹکراگئی؛ 25 سے زائد زخمی

یہاں وینکٹاپور نیشنل ہائی وے 66 پر ایک تیز رفتار بس، پارک کی ہوئی لاری سے  ٹکراگئی جس کے نتیجے میں بس پر سوار 25 سے زائد مسافر زخمی ہوگئے، جن میں سے دو کو کنداپور اور باقی کو بھٹکل سرکاری اسپتال میں داخل کیا گیا ہے۔

  وزیر داخلہ امت شاہ کی پراسرار ’تسلی‘ کہا؛   ہندوستانی مسلمان، ہندوستانی تھے اور آئندہ بھی رہیں گے

وزیر داخلہ امت شاہ نے بدھ کو متنازعہ شہریت ترمیمی بل کو راجیہ سبھا میں بحث کے لیے پیش کرتے ہوئے کہا کہ بھارت کے مسلمان ہندوستانی شہری تھے، ہیں اورآئندہ بھی رہیں گے۔پاکستان، بنگلہ دیش اور افغانستان کے غیر مسلم تارکین وطن کو بھارتی شہریت فراہم کرنے کی فراہمی والے اس بل کو پیش ...

گلف کمیٹی شمشی کے زیراہتمام دبئی میں گیٹ ٹو گیدر کا انتظام

ہوناور کے شراوتی ندی کنارے بسا ایک خوبصورت چھوٹا سا گاؤں  شمشی سے روزگار کے لئے یونائیٹیڈ  عرب ایمریٹس(یو اے ای )  آکر مقیم   ممبران کے لئے’ گلف کمیٹی شمشی‘ کے زیر اہتمام  دبئی کے الراشیدیہ پارک میں 13دسمبر 2019بروز جمعہ کو گیٹ ٹو گید ر کا انتظام کیاگیا تھا۔

بھٹکل انجمن حامئی مسلمین کی سبکدوش انتظامیہ سے نئی انتظامیہ کے لئے 10ارکان منتخب

انجمن حامئی مسلمین بھٹکل کی سبکدوش ہونے والی مجلس انتظامیہ سے نئی مجلس انتظامیہ 2020-2024تک کے لئے 10اراکین کا انتخاب 14دسمبر 2019بروز سنیچر کو عمل میں آیا ۔ انجمن کے ناظم انتخابات محمد اسحق شاہ بندری کی طرف سے جاری کردہ پریس ریلیز کے مطابق کل 95.5فی صد پولنگ ریکارڈ کی گئی ۔ سبکدوش ...

بھٹکل جماعت المسلمین کے سالانہ جلسہ کا انعقاد : دین، تہذیب، ثقافت کی بقا کے لئے اجتماعیت ضروری

انسانی جسم کے سارے اعضاء آپس میں جڑے ہوئے ہوتے ہیں تو انسان کی صحت مضبوط ہوتی ہے۔ اگر اس کے اعضاء کو ایک ایک  کرکے کاٹ دیا جائے تو وہ کمزور،لاچار ہوجاتاہے ۔ امت مسلمہ کی مثال بھی ایسی ہی ہےکہ وہ آپس میں متحد رہے یہی اس کی طاقت بھی ہے۔  جامع مسجد کے امام و خطیب مولانا عبدالعلیم ...

بھٹکل کے نیو شمس اسکول میں 15دسمبر بروز اتوار کو انٹر اسکول سائنس فئیر کا اہتمام

تربیت ایجوکیشن سوسائٹی بھٹکل اور اے جے اکیڈمی سائنس اینڈ ریسرچ رائچور کے اشتراک سے 15دسمبر بروز اتوار کو نیو شمس اسکول میں ’بھٹکل انٹر اسکول سائنس فئیر ‘ کا اہتمام کئے جانے کی ادارے کی پرنسپال فہمیدہ ملا اور فئیر کے  کوآرڈنیٹرمحمد رضامانوی نے پریس ریلیز کے ذریعے جانکاری دی ...

بھٹکل تعلقہ کے موڈ شرالی جنگل علاقے کے  مرغ جوے اڈے پر پولس کا چھاپہ :18گرفتار، مرغے اور نقد رقم ضبط

تعلقہ کے موڈشرالی تلگیری کے جنگلات میں کھلی جگہ پر غیر قانونی طورپر کھیلے جارہے مرغی جوے کے اڈے پر چھاپہ مارکر پولس نے 18ملزمین کو اپنی تحویل میں لیتے ہوئے نقد ضبط کرلینے کا واقعہ جمعہ کی شام پیش آیاہے۔