انکولہ: 14؍ستمبر(ایس اؤ نیوز) تعلقہ کے نولسے میں سپاری چوری معاملے کو سلجھاتے ہوئے انکولہ پولس نے دو ملزموں کو گرفتار کرنے میں کامیاب ہوئی ہے اور ملزموں سے سپاری کے تھیلے اور سپلائی کے لئے استعمال کی گئی کار کو ضبط کرلیاگیا ہے۔
ملزموں کی شناخت نولسے کے آنند ونائک اور چندومٹھ کے ماروتی گوڈا کی حیثیت سے کی گئی ہے۔ آنندو نائک ، چوری ہوئے گھر کا پڑوسی ہےجب کہ اور ایک ملزم ماروتی ، سپاری چوری ہوئے مالک کے نئے گھر کی تعمیر میں مزدور کی حیثیت سےکام کرتاتھا۔ گھر کے سامنے ذخیرہ کردہ 28سپاری تھیلوں کو جمعرات کی رات چوری کئےجانےکا الزام لگایا گیا ہے۔ متعلقہ سپاری کو 8تھیلوں میں بھر کر فروخت کرنے کی کوشش کے دوران میں پولس کے ہاتھوں گرفتار ہوئے ہیں۔
نولسے کے مادیو گوڈا نامی شخص کے زیر تعمیر گھر کے سامنے والے صحن میں ذخیرہ کردہ سپاری کے تھیلے چوری ہونے کے متعلق مالک نے پولس تھانے میں شکایت درج کی تھی۔ پولس نے جانچ کرتےہوئے سراغ کے سہارے دونوں ملزموں کو گرفتار کرنے میں کامیاب ہوئے ہیں۔ ملزموں سےپولس نے قریب 33390روپئے مالیت کے 8تھیلوں میں بھری ہوئی 1.38 کوئنٹل سپاری اور کار ضبط کرلی ہے۔ سی پی آئی سنتوش شٹی ، پی ایس آئی پروین کمار، حوالدار موہن داس شنوئیی، منجوناتھ ، بھگوان ، شیکھر ، جگدیش نامی عملہ کارروائی میں شریک تھا۔