انکولہ : نوبیاہتا خاتون نے کی پھانسی لگا کر خود کشی
انکولہ ،6 ؍ دسمبر (ایس او نیوز) سسرال والوں کی ہراسانی سے تنگ آ کر ایک نوبیاہتا خاتون نے پھانسی کا پھندا لگاتے ہوئے خود کشی کر لی ۔
معلوم ہوا ہے کہ خودکشی کرنے والی خاتوں یمونا وگھنیشور گوڈا (30 سال)کی شادی ابھی سات مہینے قبل ہی ہوئی تھی ۔ اس تعلق سے انکولہ پولیس اسٹیشن میں یمونا کے بھائی کی جانب سے درج کروائی گئی شکایت کے مطابق شادی کے تین مہینے بعد یمونا کو پتہ چلا کہ اس کے شوہر وگھنیشور اور اس کے چھوٹے بھائی کی بیوی کے درمیان ناجائز تعلقات ہیں ۔ اس بارے میں بات کرنے پر یمونا کے شوہر وگھنیشور، دیورانی شاملا گوڈا، دیور روی گوڈا اور ساس ساوتری نے مل کر اسے ذہنی اذیت دینا شروع کیا اور اسے گھر چھوڑ کر کہیں چلے جانے اور جان دینے کے لئے دباو بنانے لگے ۔ بالآخر اس طرح کی ہراسانی سے تنگ آ کر یمونا نے شوہر کے گھر میں ہی پھانسی کا پھندا لگا کر اپنی جان دے دی ۔
تحصیلدار اودئے کمبار ، پی ایس آئی پروین کمار، پروبیشنری پی ایس آئی سنیل اور اہلکاروں نے جائے واردات پرمعائنہ کیا ۔ پولیس نے کیس درج کرکے تحقیقات شروع کی ہے ۔