بھٹکل:07؍اکتوبر(ایس اؤ نیوز)انجمن حامئی مسلمین بھٹکل کے زیراہتمام چلنے والی انجمن تکیہ پرائمری اسکول میں 5اکتوبر کو ایل کے جی اور یو کے جی طلبا کے لئے ’کریزی ہیاٹ ‘مقابلے کا انعقاد کیاگیا ۔ جس میں  چھوٹے چھوٹے بچوں نے اپنی معصومانہ تخلیقی ذہانت کا استعما ل کرتےہوئے  مختلف قسم کی رنگا رنگ اور الگ الگ ڈیزائن کی ٹوپیاں تیار کرکے لائے  اپنے سروں کو سجایا۔

بچوں کی تیاری کے پیش نظریہ کہا جاسکتا ہے کہ بچوں کی ترقی اور اُنہیں آگے بڑھانے میں ان کے والدین نے بے حد  دلچسپی  لی ہے ورنہ چھوٹی سی عمر کے طلبا کا اس طرح انواع و اقسام کی ٹوپیاں تیار کرنا مشکل تھا۔ بچوں نے اس مقابلے کے ذریعے اپنی مخفی صلاحیتوں کا  بھرپور مظاہرہ کیا ۔ ٹوپیوں کی نمائش کا نظارہ  ناظرین کے لئے بھی دلچسپ رہا۔ جس میں بچوں کے والدین و سرپرست سمیت اساتذہ وغیرہ بھی شریک تھے۔ انتظامیہ نے والدین وسرپرستوں سے اپیل کی ہےکہ آئندہ بھی اس طرح کے انوکھے مقابلہ جات میں اپنے بچوں کو شریک کراتے ہوئے ان کی ہمہ جہت ترقی میں معاون بنیں۔