بھٹکل انجمن میں ’مسلم اقلیتی تعلیمی اداروں کے مسائل،چیلنجس اور حل ‘کے موضوع پر 17اور18اگست کو ہوگا دوروزہ سمینار: ماہرین تعلیم بھی کریں گے شرکت

Source: S.O. News Service | By Abu Aisha | Published on 15th August 2019, 11:25 PM | ساحلی خبریں | ان خبروں کو پڑھنا مت بھولئے |

بھٹکل:15؍اگست (ایس اؤ نیوز)مشہور و معروف تعلیمی ادارہ انجمن حامئی مسلمین بھٹکل  اپنے صد سالہ جشن کی تقریبات کے پیش نظر 17اور18اگست کو’’ مسلم اقلیتی تعلیمی اداروں کو درپیش مسائل ،چیلنجس اور حل ‘‘ کے موضوع پر دو روزہ ریاستی سطح کا سمینار منعقد کررہا ہے جو انجمن انجنئیرنگ کالج کے سمینار ہال میں ہوگا۔اس بات کی جانکاری انجمن کے صدر جناب عبدالرحیم جوکاکو نے دی۔

پریس کانفرنس میں تفصیلات فراہم کرتے ہوئے انہوں نے کہاکہ اس سیمینار میں مسلم تعلیمی اداروں کو مستقبل میں پیش آنے والے مسائل اور چیلنجس پر تفصیل سے گفتگو کی جائے گی اور مسائل کا حل تلاش کرنےمیں یہ سمینار معاون ثابت ہوگا۔

سمینار میں ریاست کے مختلف اضلاع سے  نمائندے شریک ہونگے۔ سمینار میں ملک کے مشہور ومعروف تعلیمی اداروں کے تعلیمی ماہرین اظہار خیال کریں گے۔ساتھ تعلیمی اداروں میں تعلیم کے معیار میں اضافہ ، ڈیجیٹل ٹکنالوجی اور الکٹرانک میڈیا کا استعمال ، قابلیتوں میں ترقی اور سرکاری سہولیات سے استفادہ ، سماجی اور خاندانی اقدار کو تحفظ دینے والی اخلاقی تعلیم پر بھی ماہرین اپنے خیالات کا اظہار کریں گے۔   

17اگست بروز سنیچر  کی صبح 10بجے سمینار کے افتتاحی تقریب میں اترکنڑا ضلع کے ڈپٹی کمشنر ڈاکٹر کے ہریش کمار مہمان خصوصی ہونگے تو بیاری تعلیمی ادارہ جات کے صدر سید محمد بیاری اور بھٹکل کے رکن اسمبلی اور انجمن الومنی سنیل نائک اعزازی مہمان ہونگے۔ 18اگست کی شام 30-04 بجے منعقد ہونے والی اختتامی تقریب میں اترکنڑا ضلع پنچایت کے سی ای اؤ محمد روشن مہمان خصوصی ہونگے تو دہلی کے سنٹر فار ریسرچ اینڈ ڈبیٹس اِن ڈیولپمنٹ پالیسی کے صدر ڈاکٹر ابو صالح اعزازی مہما ن ہونگے۔ دونوں تقریبات کی صدارت انجمن کے صدر عبدالرحیم جوکاکو کریں گے۔

دوروزہ سمینار میں ماہرین کے طورپر کرناٹک اسکل مشن کے ڈائرکٹر ایس اے اشرف حسن، پریم جی یونیورسٹی کے ماہر تعلیم مجاہد الاسلام، برینی اسٹار تعلیمی فاؤنڈیشن کے سی ای اؤ سید تنویر احمد ، کرناٹکا ہائی اسکول بورڈ کے ایم اے باسط ، این سی آرٹی مشاورتی بورڈ کے ممبر محمد سعید اللہ شریف، شاہین ادارہ جات بیدر کے صدر ڈاکٹر عبدالقدیر شریک ہوں گے ۔

پریس کانفرنس میں انجمن کے جنرل سکریٹری صدیق اسماعیل، کالج بورڈ سکریٹری محمد محسن شاہ بندری، صدسالہ تقریبات کے کنونیر عبدالرقیب ایم جے ، انجمن انجنئیرنگ کالج کے پرنسپال ڈاکٹر مشتاق احمد بھاوی کٹی، میکانیکل صدر شعبہ ڈاکٹر فضل الرحمن ، الکٹرانک اینڈ کمیونکشن صدر شعبہ ٹی ایم پی راج کمار، ایم بی اے شعبہ صدر پروفیسر زاہد حسن اور انتظامیہ ممبران شریک تھے۔

ایک نظر اس پر بھی

ہوناور میں راہ گیر پر چیتے کاحملہ : ہمت وحوصلے نے بچائی جان

ہوناور  تعلقہ کے کڈلے کاجو باغ میں رہ چلتے ایک دیہی فرد پر چیتا نے حملہ کردیا لیکن متعلقہ شخص نے چیتے سے لڑتے ہوئے اپنی جان بچانے میں کامیاب ہوگیا۔  متعلقہ شخص کی شناخت  وینکٹ رمن تمنا ہیگڈے کی حیثیت سے کی گئی ہے، واقعہ جمعہ کی شام کو پیش آیا۔

اُڈپی کے کارکلا میں بھیانک سڑک حادثہ؛ بس سڑک کنارے پہاڑی چٹان سے ٹکراگئی؛ نو ہلاک، 24 زخمی؛ کیسے ہوا تھا حادثہ ؟

ضلع کے کارکلا میں ایک سیاحوں سے بھری پرائیویٹ بس سڑک حادثے کا شکار ہوگئی جس میں نو افراد  ہلاک ہوگئے جبکہ 24 افراد زخمی ہوئے ہیں جن میں شدید زخمی ہونے والوں کو منی پال اسپتال اور دیگر کو کارکلا سرکاری اسپتال میں داخل کیا گیا ہے۔حادثہ سنیچر کی شام 5:35 بجے پیش آیا۔

مرڈیشور کیریکٹے پرائمری اسکول کے چار کمروں کوخالی کرنے ضلع پنچایت سی ای اؤ کا حکم

مرڈیشور کے روڈ کنارے واقع کیریکٹے ہائر پرائمری اسکول عمارت کے 4کمروں کو خالی کرنے اترکنڑا ضلع پنچایت کے سی ای اؤ محمد روشن نے حکم جاری کیا ہے۔ بتایا گیا ہے کہ متعلقہ اسکول کی عمارت کےکمرے خستہ حالی کا شکار ہیں   اور کبھی بھی نیچے گرسکتے ہیں۔ اسکول طلبا کے تحفظ کے پیش نظر اس ...

پنجاب میں  پولیس ہیڈ کانسٹیبل نے بیوی سمیت 5 لوگوں پر چلائی گولی، 4 کی موت 

پنجاب پولیس کے ہیڈ کانسٹیبل نے گاؤں جلال پور میں گھریلو تنازعہ کے باعث اتوار کی صبح قریب 6 بجے بیوی اور 3 سسرال والوں (ساس اور سالے کی بیوی) کا گولی مار کر قتل کر دیا۔ واقعہ میں سالے کی 10 سال کی بچی بھی زخمی ہے۔ دراصل ہفتے کی شام ملزم کانسٹیبل کو سسرال میں تنازعہ ہوا تھا۔ اس کے بعد ...

 آئی اے ایس آفیسر منیش موڈگل کا تبادلہ

آئی اے ایس عہدیدار منیش موڈگل جنہیں مرکزی حکومت نے گزشتہ ہفتہ ای گورننس کے لیے قومی ایوارڈ عطا کیا تھا، کا کمشنر سروے ، سیٹلمنٹ اور لینڈ ریکارڈس کے عہدہ سے تبادلہ کردیا گیا ۔ منیش کو اب محکمہ پر سونل اور انتظامی اصلاحات کا سکریٹری مقرر کیا گیا۔ کے وی تری لوک چندر جو پہلے ...

سنگرور: اسکول وین میں آگ لگنے سے حادثہ، معصوم بچے زندہ جلے، 4 کی موت

 پنجاب میں ضلع سنگرور کے لونگوال قصبہ میں سنیچر کی دوپہر ایک اسکول وین میں اچانک آگ لگنے سے اس میں سوار چار معصوم بچے زندہ جل گئے، دیگر آٹھ بچوں کو وین میں سے نکال لیا گیا جن میں سے 3 کی حالت نازک بتائی جا رہی ہے۔