بھٹکل : انجمن بی بی اے اینڈ بی سی اے کے متعلم محمد عنیز معلم اور ہاشم مصباح کو یونیورسٹی کے پاور لفٹنگ مقابلے میں گولڈ اینڈ براؤنز میڈل
بھٹکل:09؍ جنوری(ایس اؤ نیوز ) انجمن بی بی اے اینڈ بی سی اے بھٹکل کے طلبا محمد عنیز معلم اور ہاشم مصباح نے یونیورسٹی سطح کے پاور لفٹنگ مقابلے میں بالترتیب گولڈ میڈل اور براؤنز میڈل حاصل کرتےہوئےکالج اور ادارے کا نام روشن کیا ہے۔
کرناٹکا یونیورسٹی دھارواڑ کے زیراہتمام منعقدہ کے یو ڈی سنگل زون پاور لفٹنگ مقابلے میں انجمن کالج کے بی بی اے سکینڈ ائیر کے متعلم محمد عنیز ابن محمد یونس معلم نے74 کلو وزنی زمرے میں گولڈ میڈل حاصل کیاہے تو بی بی اے فرسٹ ائیرکے متعلم ہاشم ابن شمس الدین ذاکر مصباح نے 59 کلو وزنی زمرے میں براؤنز میڈل کے حق دار بنے ہیں۔ دونوں متعلم نے کالج کے فزیکل ڈائرکٹر موہن میستا سے تربیت حاصل کی تھی ۔ کھیل کے میدان میں بہترین مظاہرہ پیش کرنےپر انجمن حامئی مسلمین بھٹکل کے صدر اڈوکیٹ قاضیا مزمل ، جنرل سکریٹری صدیق اسماعیل ، ایڈیشنل جنرل سکریٹری اسحق شاہ بندری ،عہدیداران ، کالج پرنسپال اور اساتذہ نے طلبا اور فزیکل ڈائرکٹر کو مبارکبادی پیش کی ہے۔